'Blʋadinyʋ‑ ao ‑sa Kea 'nynɩ
67
'Dʋ ‑wlʋa 'e 'dʋ ‑jeopoi 'a 'sbɛ 'di ɛ, ‑si' ‑plʋ ʋʋa bla ‑bo ʋʋa seɛ ble ɛ.
2 Kea 'je ‑aa wɛe‑ ɛ 'je ‑a "diwan‑ po.
Ɛ ‑gbʋn ‑a "jriɛ ‑cɛɛn'‑ ja. ‑Te' ‑kwlʋ.
3 ‑Wɛenyʋ 'je ɛɛ' ‑jeblʋ juuo 'de 'blʋa "kpei,
'de 'blʋa 'dinyʋ 'je kɛ nɩa nyʋ 'pʋʋɩ juuo‑.
4 Nyiɔ ‑wee'‑ a ‑sɛ 'nynɩ, 'oo Kea,
'kmʋ ‑wee'‑ "klein" a ‑sɛ 'nynɩ.
5 'blʋa 'dinyʋ a nʋɛ 'mʋa‑ i, ʋʋa bla' ʋʋa dee',
dɛ ‑nʋɛ, ɛɛ 'jeɛ nyʋ 'a 'pee 'de "isrɛa 'ʋn,
‑wɛe ɛɛ po dɩ ‑wee'‑ ‑je o 'de 'blʋa 'di. ‑Te' ‑kwlʋ.
6 Nyʋ ‑wee'‑ a poɛ ‑tɩ' o, 'oo Kea,
'kmʋ ‑wee'‑ a ‑sɛ 'nynɩ.
7 'blʋa a nmɔ',
'kaa Kea ‑nɩa ‑aa Kea mɛ ‑ɛɛ po ‑a "diwan‑.
8 Kɩɩn Kea po ‑a "diwan‑
‑wɛe dɛ ‑mua' ‑ɛ nynia 'de 'blʋa 'a "tiɨn nyʋ ‑wee'‑ 'jeɛ plee‑.