Tʋ "bo ‑nɩ 'ma 'deifuoi‑
23
Dafi 'a 'dʋ.
Tʋ "bo ‑nɩ 'ma 'deifoui‑:
Dɛjrɛ' se 'ʋn 'kwa ‑pɔn i.
2 ‑Ta sii" ‑tɔe nɩa, 'bomɔ ɛ ‑te' 'mii,
Ɛɛ kpa 'ʋn 'bo "ni ‑kwlɩ" ‑ta ‑nɩa pee ɛ.
3 Ɛɛ "nyɩɛ 'ʋn 'kpɩ, ɛɛ tɔɔ 'ʋn ‑jeblʋ ‑cɛɛn'‑
'de ɛɛ' 'nynɩ 'a dɛwɔn nɩ ‑tɩ 'ʋn.
4 ‑Bo 'ma sea 'mɛa' "i 'jaa mɔ 'de ɛ,
dɛ jrɛ' 'ɛ faʋn se 'ʋn nʋ i Tʋ "bo, dɛ ‑nʋɛ,
ɛ ke 'ʋn na' ɛɛ' i tbatu nɩɛ 'bo 'ʋn ‑pʋn", 'ma pɛe kuɛi.
5 ‑Bo 'ɩn ke 'ma tʋnyʋ ‑tei ɛ,
ɛɛ "nyɩɛ 'ʋn diidɛ 'dɔe, ɛɛ poɛ 'ʋn 'cran "jru,
ɛɛ nʋɛ' 'ma ‑kaʋn" a "jii ɛɛ jea ‑sɔn 'wla.
6 Kɩɩn, 'de 'ma 'kmʋ nɩa' ‑wee'‑ "klein 'ʋn ɛ,
‑ma 'diwɔnmɔa' o, ‑ma nyiɔ ‑tɩ' kmaa' ke 'ma muɛ naa'.
'Ma muɛ 'e Tʋ "bo o ‑gbu" ‑sɔn "tia mamaʋ 'sʋ ɛ 'e 'ma 'mɛɛa' jɛɛ‑.