Dɛ Kea ‑teea' ɛɛ' 'cɛ i ɛ
15
Dafi 'a 'dʋ ɔ blea.
Tʋ "bo nyɔ ‑ɩn ‑je sɩn 'sɔɔn kpʋʋn 'bo ‑ma crʋ
‑ɩn ‑teea kpɔ "i "kpei ɛ?
Nyɔ ‑nɩ ‑ma "juɛi ‑gbɛɛ'‑ ka
'de ‑ma ‑gbu" 'di ɛ‑?
2 Nyɔ nyʋ sea ‑kɔ ‑pʋn" 'je,
‑ɔɔ nʋʋdɩ "srɛai ‑wɛe ‑ɔɔ ‑tmɔa tɔ' ‑tɩ ‑nɩa 'de ɔ pɛe o ɛ,
3 ɔɔ' "si ɔ ‑ponyiɔ 'ɔ 'nynɩ saɩn, ‑wɛe ɔɔ' dɛsaʋn
"jrii nʋ ‑tɩ, ɔɔ' ‑sa ɔ ‑ponyiɔ ‑jrei" ‑pʋn".
4 Nyʋ ‑ʋʋa' 'jea Kea 'a wlu wɔn ɛ, ‑mʋ ‑wi" a nyɔ ɔ i.
'Kaa nyʋ ‑jʋ ‑a pleea Kea a, ɔɔ 'bɛɛ ‑mʋ ‑wi" "i.
Dɛ ‑ɛɛ wlu ɔ cɛan ‑tie" ɛ, ɔɔ' nʋɛ',
ka "oo ka ɛ 'je ɛ nɩ mɔ 'de ɛ.
5 ‑Bo ɔ po nyʋ 'wɛi kpan' a,
nyɔ 'ɔ ‑teɛ' "kpei,
ɔɔ' di paa ‑sɔn ‑wɛe ɔɔ' bla
nyʋ sɩ ‑tɩ "kpei.
Nyɔ ‑ɔɔ nʋa dɩ ‑nɩa 'mʋa a
‑mɛ ‑mɔɔ' je ‑tu "maeɛ i 'bode.