Baewlu nyʋ a poa "nyɩɔ 'kpa nɔ" ɛ
4
Dafi 'a 'dʋ ‑ɛ nɩa 'e blei klaa" 'a 'dʋsbɛ 'di ɛ. Blaadɩ ‑blea "dbi mɩ ‑ɩa pooɛ o.
2 ‑Bo 'ɩn 'da a, ɛ 'wɔn 'ʋn 'ma Kea,
‑ɛɛ ‑srɛ" 'a "mii ɛ.
‑Bo ʋʋ cri 'ʋn ɛ, ɛ 'pʋʋ 'ʋn.
Ɛ 'je 'ma wɛe‑, ɛ po 'ma baewlu doun" o.
3 Ao nyiɔɔ' "nynuu‑,
kpɛ ‑tiiɛ' ao 'je 'ʋn ‑suu "kpei ‑saa?
Ao nyʋ ‑ʋʋa ‑jea ba ‑pa "kpei blaa' 'a "dia,
kpɛ ‑tiiɛ' ao 'je 'ʋn wlaa ‑tɩ 'bɔ ɛ‑? ‑Te' ‑kwlʋ.
4 Ao 'je kan', nyɔ ‑ɔɔ kpʋan wlu "kpei ɛ,
ɔ mɔ Tʋ "bo a ‑te' 'o,
ɛmɛ ‑tɩ ‑bo 'ɩn 'da a, ɛɛ 'wɔn 'ʋn.
5 ‑Bo 'cɛn nʋ aopʋ‑ ɛ, ao 'bo dɛsaʋn nʋɛ,
ao naa tɔ' i "maʋ ‑mɛ ao "mu wɔn. ‑Te' ‑kwlʋ.
6 Ao ‑sa 'sraa ‑cɛɛn'‑.
Ao ‑te' aoa' ‑cɛ" Tʋ "bo 'kwa.
7 Nyʋ ‑tuu" ‑tuu a kple':
Nyɔ ‑je ‑aʋn 'dɔe "jrii nʋɛ?
'Oo Tʋ "bo, ɛ ‑gbʋn ‑aʋn "jrii ‑cɛɛn'‑ ja.
8 'Kaa 'mʋa‑ ‑jɛ ɛ poa 'e 'mɔ pɛe o ‑mɛ ‑sii ʋʋa' ‑nɛ 'mɛ
9 ‑Bo 'ɩn 'pɛn i 'ma mɩɩɔ cɛn srɛ' 'ʋn 'ɛ,
dɛ ‑nʋɛ, Tʋ "bo, ɛmɛ due' koun ‑gbai' ‑fuo 'mii,
‑wɛe 'ɩn nɩ 'flɛʋn.