Tʋnyʋ ‑gblɛɛ 'ʋn kwa
3
Dafi 'a 'dʋ ɔ ‑tua" 'e mu ‑ta ɔɔ pleea ɔɔ' "ju Absalɔmʋ "juɛi ɛ.
2 'Oo Tʋ "bo, ka 'ma tʋnyʋ ‑ti ka ‑mɔ ‑ɛ,
nyʋ ‑tuu" ‑blee' 'ʋn 'dii ‑ʋʋ ‑sɔn 'ʋn 'de 'ʋn ‑pee.
3 Ʋʋ nɩɛ ‑tiiɛ' ‑ʋʋa wlu ka:
Ɔɔ' 'pʋʋa' se 'e Kea 'kwa nɩ 'bode! ‑Te' ‑kwlʋ.
4 'Kaa ɛmɛ ɛ, Tʋ "bo,
ɛ nɩɛ 'ma nɩɩɛklu ‑o ‑ɛɛ kaan "mii.
Ɛmɛ ‑ɛɛ po 'ʋn ‑ciian"‑ "kpei, ‑ɛɛ kpa 'ma "jru "jɛi.
5 'Ɩn kpa wlu "jɛi 'ma jeɛ 'da, Tʋ "bo,
‑wɛe ɛ nɩ 'e ɛɛ' crʋ ‑kweai "kpei ɛɛ 'wɔn 'ʋn. ‑Te' ‑kwlʋ.
6 ‑Wɛe 'ma 'pɛn i 'ma 'mʋ, 'ma sɔn 'ʋn.
Dɛ ‑nʋɛ Tʋ "bo ‑kpʋn' 'mii.
7 ‑Kwlʋtaou" ‑pooa 'ʋn 'dei 'a faʋn 'a nʋ 'ʋn.
8 Ɛ sɔn 'ʋn ke Tʋ "bo,
ɛ 'pʋʋ 'ʋn, 'ma Kea.
Ɛmɛ ‑po' 'ma tʋnyʋ 'kpɩ 'wɔn i,
‑ɛ ‑craa ʋʋpʋ‑ 'nynɩ 'wɔn i.
9 'Pʋʋa' nɩɛ 'e Tʋ "bo 'kwa.
'Oo Tʋ "bo, "diwan‑ kpʋn ɛɛ' 'cɛ. ‑Te' ‑kwlʋ.