Kea 'sɛpodʋ‑
Ɛɛ' "i ‑saanɛ
('Dʋ 1‑41)
'De Kea 'a kɛ' 'di 'bo ‑pɔia" ‑cɛɛn'‑ nɩ‑
1
Nyɔ ‑ɔɔ' poa 'diwɔnnyniʋn 'a 'snɩ doun" o ɛ, ‑mɔ 'dinmɔwɔn.'De ‑ɔɔ' "dua ɔɔ' nɔ" ‑wee'‑ 'ʋn ‑wɛe ‑ɔ ‑ke dɛsaʋnnʋ 'a na,
‑wɛe ‑ɔ ‑ke nyʋ ‑ʋa wlaa Kea 'a kpa ‑jeblʋ ɛ.
2 'Kaa ɔɔ 'jeɛ ɔɔ' ‑klwʋ' ‑tɩ 'de Tʋ "bo 'a kɛ' 'di
‑wɛe ɔɔ nɛɛ tɔ' "kpei 'de "maʋwɩ o 'jrʋ ‑gbaowɩ 'di.
3 Ɔ ‑kɔ' tu ‑ɛ ‑dooa 'de "niwɔi,
‑ɛɛ croa 'de ɛɛ' nɔ" i, ɛɛ' wɩn 'a "kli:
Dɩ "klein ɔɔ nʋa ɩa 'wɔɔn ɔ kwa.
4 'Kaa ɛ se kan' nɩ 'de 'diwɔnnyniʋn ‑wi" ‑mʋ 'a ‑tɩ' 'ʋn
ʋʋ ‑kɔ' ‑plee"‑ pooɔ' ɔ kpa.
5 Ɛmɛ ‑tɩ ʋʋ se 'pee "juɛi nyna i,
'de dɛsaʋnʋ i se 'e "isrɛʋn 'a bae' ‑tei.
6 Tʋ "bo a ‑tuɛ" nyʋ ‑srɛai" 'a ‑jeblʋ 'a ‑tɩ',
'kaa 'diwɔnyniiʋn ‑mʋ 'a ‑nɩ ‑jeblʋ a kpa ʋʋpʋ‑ 'de "mana'.