Sosue 19

Soa' 'a 'sɔɔn -nɩ -poa a, ɛ nɩɛ Simeɔ 'ɔ 'blʋa 'a 'blowɔn 'ɔ -gbɛin" 'a 'kɛn -o. Ʋʋa' -nɩ 'blʋa nɩɛ 'de Suida 'a -nɩ 'a -kwea'-. 2 Ɛɛ' "kwi -kwlɔ ɛ 'blea -ɩ -nɩa ɛɛ' 'kɛn ɛ ɩmɩ ka: Bɛɛseba o, Seba o, Molada o, 3 Asaa Sualɩ o, Bala o, Atɩsɛmʋ o, 4 Ɛtoladɩ o, Betulɩ o, Ɔrma' o, 5 Silakɩ o, Bɛtɩ Makabɔtɩ o, Asaa Susa o, 6 Bɛtɩ Labaɔtɩ ke Saruɛnɩ: Ɩ bea o ɩ nɩɛ "kwi -kwlɔ 'ɔ -puue 'jɔ taan ke ɩa' -kwlɔ ɩ 'blea ke. 7 Ainɩ Rimɔnɩ o, Rimɔnɩ o, Etɛɛ ke Asanɩ ke: Ɩ bea o ɩ nɩɛ "kwi -kwlɔ -nyiiɛ' ɩ ke -kwlɔ ɩ 'blea ke. 8 -Kwlɔ "klein -ɩ -nɩa 'e "kwi -kwlɔ -nɩ 'dei -ɛ mua' -ɛ -jɛa Baalatɩ Bɛɛ nyɔɔ 'daa Ramatɩ Nekɛfʋ -ke ɛ. Ɩ -wee' mɩ -bee o -ɩ -nɩ Simeɔ 'ɔ 'blʋa 'a 'blowɔn 'ɔ -gbɛin" 'a 'kɛn. 9 Simeɔ 'ɔ 'blʋa "duɛ 'ʋn 'ɛ 'de Suida 'a 'blʋa 'a -kwea'- dɛ-nʋɛ' mɛ -nɩ Suida 'a "nynuu 'a 'blʋa "bɛi ɛ je ʋʋpʋ -sii. Ɛmɛ -tɩ Simeɔ 'ɔ "nynuu 'a 'kɛn nɩ 'de Suida nyʋ 'a -nɩ 'a -kwea'-.

10 Soa' taan -nɩ ʋʋ poa, ɛ nɩɛ Sabulɔn 'ɔ 'blʋa 'a 'blowɔn 'ɔ -gbɛin" 'a 'kɛn -o. Ʋʋa' 'blʋa mu' ɛ je Salidɩ nyni. 11 Dɛ -tba' 'mʋa-, ʋʋa' 'blʋa 'a -paʋn muu ɛ 'de 'jrʋ 'a i blʋ 'ɩn fɔo 'de Maleala, -wɛe ɛ jɛɛ Dabɛsɛtɩ ke -ta "ni a nʋa -cru -cru -wɛe ɛɛ -sia' ɛ mua 'de Jokɩeamʋ ɛ. 12 Dɛ -tba' 'de Salidɩ ɛ, ɛ muɛ 'de 'jrʋ 'a 'wlʋ 'ɩn -wɛe ɛ jɛɛ Kisɩlɔtɩ Tabɔɔ 'ɔ 'blʋa, 'de ɛ muu 'de Dablatɩ, -wɛ ɛ 'ja 'de Jafia fɔo. 13 'De -mɛ 'de 'sʋ ɛ muɛ nya 'de Katɩ Efɛɛ, 'de Ita Kasinɩ, -wɛe ɛ mu 'de Rimɔnɩ, ɛ "ka 'ʋn ɛ cɛɛn Nea. 14 'De 'kwea fɔo, ɛɛ' -paʋn blaa Anatɔnɩ -wɛe ɛ "sii 'de Ifʋta ɛlɩ 'a -cru -cru nʋ 'ɩn. 15 Ɛɛ' 'blʋa tu 'bleɛ "kwi -kwlɔ 'ɔ -puue 'jɔ 'sɔɔn ɩ ke -kwlɔ -jia ɩ 'dei ke, -ɩa deejrɩ' 'a 'nynɩ nɩa Katatɩ, Naalalɩ, Simʋlɔnɩ, Jideala ke Bɛtɩlɩɛmʋ. 16 Sabulɔn 'ɔ -gbɛin" 'a wɔn 'ɔ 'kɛn -nao, ɩ ke "kwi -kwlɔ ke -kwlɔ ɩ 'blea ke-.

17 Soa' -nyiiɛ' -nɩ ʋʋ poa, ɛ nɩɛ Isakaa 'a -gbɛin" 'a wɔn 'ɔ 'kɛn -o. 18 Ʋʋa' 'blʋa mɛ -nɩ Jisɩreɛlɩ, Kesulɔtɩ, Unɛmʋ, 19 Afalaimʋ, Siɔn, Anaalatɩ, 20 Rabitɩ, Kisɔnɩ, Abɛtɩ, 21 Remɛtɩ, Einɩ Ganimʋ, Einɩ Ada ke Bɛtɩ Pasɛsɩ ke. 22 Ɛɛ' -paʋn -teeɛ Tabɔɔ o, Saasima ke Bɛtɩ Semɛsɩ i, -wɛe ɛ jɛɛ Sudɛn. Ɛɛ' 'blʋa nɩɛ "kwi -kwlɔ 'ɔ -puue 'jɔ -mɛɛo"- ke ɩa' -kwlɔ ɩ 'blea ke. 23 Isakaa 'a 'cɛ 'ɛ 'kɛn -nao ɛ ke -kwlɔ ɛ 'blea ke.

24 Soa' 'a -mm" -nɩ -sae' Asɛɛ 'ɛ 'blʋa 'a 'blowɔn 'ɔ -gbɛin" 'a wɔn. 25 Ʋʋa' 'blʋa mɛ -nɩ "kwi -kwlɔ nyʋ a 'daa Ɛlkatɩ, Ali, Betɛnɩ, Akɩsafʋ, 26 Alamelɛkɩ, Ameadɩ ke Misealɩ ke. Ɛɛ' -paʋn jɛɛ crʋ nyɔɔ 'daa kamɛlɩ 'de 'jrʋ 'a blʋ 'ɩn ɛ ke Siɔ Libʋnatɩ ke.

27 -Wɛe ɛ "bie de Bɛtɩ Dakɔn 'de 'jrʋ 'a 'wlʋʋ 'ɩn fɔo, ɛ bla Sabulɔn blʋa ke Ifʋta Ɛlɩ 'a -toʋn" "i, 'de ɛ muu 'de 'kwea 'de Bɛtɩ Emɛkɩ ke 'de Neiɛlɩ, -wɛe ɛ -tuɛ" "jriɛ ɛ cɛɛn Kabukɩ 'a kɔan fɔo, 28 Eblɔn, Reɔbʋ, Amɔnɩ ke Kana ke, ɛ mu' ɛ je Sidɔn klaa" nyni. 29 Ɛɛ' -paʋn muɛ 'de Rama fɔo -wɛe ɛ mu 'sʋ ɛ jɛɛ "kwi -kwlɔ -blaa -gblo" 'dei, -ɛɛ 'nynɩ nɩa Tii ɛ, ɛ mʋʋ ɛ Osa, -wɛe ɛ cɛɛn Akɩsibʋ -blʋa 'di ɛ jɛɛ 'tɔnɩɛ nyɔɔ 'daa Meditelane', 30 -wɛe ɛ cɛɛn Uma, Afɛkɩ ke Reɔbʋ ke. Ɛɛ' 'blʋa tu 'bleɛ "kwi -kwlɔ kwla 'sɔɔn 'jɔ 'sɔɔn ɩ ke -kwlɔ ɩ 'blea ke. 31 Asɛɛ 'ɛ 'cɛ 'ɛ 'blʋa 'a 'blowɔn 'ɔ 'kɛn kɩ -tia 'ka -nao ɩ ke ɩa' "kwi -kwlɔ ke ɩa' -kwlɔ ɩ 'blea ke.

32 Soa' 'a -mɛɛo"- -nɩ ʋʋ poa kpʋn ɛ Nɛftali 'a -gbɛin" 'a wɔn. 33 Ʋʋa' -paʋn tba 'de Elɛfʋ ke sɛnɩ tu -nɩa 'de Saananimʋ, -wɛe ɛ cɛɛn 'de Adami Nekɛbʋ ke Jabʋnɛlɩ ke, ɛ muu Lakumʋ -wɛe ɛ "sii 'de Sudɛn -gbuu -pʋn". 34 Ɛ "bii ɛ i 'de 'jrʋ 'a i blʋ na' Asɩnɔtɩ Tabɔɔ fɔo, -wɛe 'dɛ -tba' 'mʋa-, ɛ muu 'de Ukɔkɩ -wɛe ɛ bla Sabulɔn 'ɔ 'blʋa 'a 'fɔ -nɩa 'de -sɔin' fɔo "i ɛ ke Asɛɛ 'ɛ 'blʋa 'a 'fɔ -nɩa 'de 'jrʋ 'a i blʋ 'na ke Suida ke-. Ɛ -teeɛ Sudɛn wɔin 'de 'jrʋ 'a 'wlʋʋ 'ɩn. 35 "Kwi -kwlɔ -ɩ -blaa -gblo" mɩ -nɩ Sidimʋ o, Sɛɛ o, Amatɩ o, Rakatɩ o, Kinerɛtɩ o, 36 Adama o, Rama o, Asɔɔ o, 37 Kɛdɛsɩ o, Ecrei o, Einɩ Asɔɔ o, 38 Jileɔnɩ o, Midalɩ Ɛlɩ o, Olɛmʋ o, Bɛtɩ Anatɩ ke Bɛtɩ Semɛsɩ ke: Ɩ beea o ɩ nɩɛ "kwi -kwlɔ 'ɔ -puue 'jɔ -mɛ" nyɛ ɩ ke -kwlɔ ɩ 'blea ke-. 39 Ka Nɛftali 'a -gbɛin" 'a 'blʋa 'a 'blowɔn -nɩ 'kɛn nɩa ɛ ke ɛɛ' "kwi -kwlɔ ke ɛɛ' -kwlɔ ɛ 'blea -nao.

40 Soa' 'a -mɛ" 'sɔɔn -nɩ -poa nɩɛ Dan 'a -gbɛin" 'a 'blʋa 'a 'blowɔn 'ɔ dɛ -o. 41 'Blʋa ʋʋ 'jea -ɛ -jea ʋʋa' dɛ nɩ mɛ -ble Sorea, Ɛsɩtaɔlɩ, Ii Semɛsɩ: 42 Saalabinɩ, Ajalɔn, Jitɩla; 43 Eklɔn, Timʋna, Elɔn: 44 Ɛlteke, Kibletɔn, Baalatɩ; 45 Jeulɩ, Bene Belakɩ, Gatɩ Limɔnɩ; 46 Jakɔnɩ -gbuu, Rakɔn ke 'blʋa -nɩa 'de Jafa "juɛi ke. 47 'Kaa Dan 'a "ji 'di nyʋ 'a 'blʋa 'wlʋ ʋʋpʋ 'kwa 'mɛ. 'Sʋ Dan nyʋ 'a -fʋn' Lesɛmʋ tʋ o. Ʋʋa' -kpʋn' "kwi -kwlɔ -nɛ, -ɩn -nʋ' -placnɛ -dba nyʋ -wee' "klein -nɩa 'de ɛ 'di, -wɛe -duɛ" 'ʋn -ti" 'de ɛ 'di -nao. Ʋʋa' -tuu" Lesɛmʋ Dan nynɩ i, 'nynɩ -ɛ -nɩa ʋʋa' "bɛma 'a 'nynɩ ɛ. 48 Dan 'a -gbɛin" 'a 'blʋa 'a 'blowɔn 'ɔ 'kɛn ʋʋ kpa ke "kwi -kwlɔ ke -kwlɔ ɩ 'blea mɩ -nao.

49 Nɔ" -ɛ 'di Israɛ -nyʋ -kɔa' 'blʋa -jea ʋʋpʋ 'a dɛ 'kpa -paʋn poa' 'sʋ, ʋʋ "nyɩɛ Nunɩ 'a "ju Sosue' 'a -nɩ 'kɛn 'mɛ 'de ɔɔ' 'cɛ -wi" 'a -nɩ "kwlu. 50 'De Nyɔsoa 'a wlu "i ɛ, ʋʋ "nyɩɔ "kwi -kwlɔ ɔ -teea i 'mɛ, ɛmɛ -nɩ Tinatɩ Sela 'de Eflaimʋ 'a 'blʋa -nɩa 'de crʋ 'dii. Sosue' po "kwi -kwlɔ -nɛ 'mɛ 'de -kɔɔ' de -wɛe ɔ "ti 'de ɛ 'di.

51 Ka 'blʋa 'sraa -sai Eleasa, Nunɩ 'a "ju Sosue' ke Israɛ -nyʋ 'a -gbɛin" 'a 'blʋa 'a 'blowɔn 'ɔ "jrukpɔ i -tenyʋ poa soa' -wɛe ʋʋ "nyɩa ʋʋpʋ -ɛ -jea ʋʋa' dɛ 'kpa, 'de Silo, 'de Nyɔsoa "juɛi 'de -tan 'tan -ɛ -sɔn nyʋ ke Nyɔsoa a -gbʋʋan' "i 'a paana'. Ka 'blʋa -nɩ 'ɛ 'ʋn -sea' nʋa -kwɛ -sʋ 'ka -nao.