Qoshumche matériyal

Kitablar hem kitabchilér

Bu toqquz kitab yaki kitabche oqurmenge paydiliq bolsun dep ümid qilimiz: —

Kitablar we qisqartilma namliri

(1) ««Injil muqeddes» özgertiwétilgenmu?» (ktb1)

Bu kichik kitabchide birnechche betlerdila «Tewrat, Zebur we Injil nazil qilinghandin kéyin özgertiwétilgen» dégen shikayetke qet'iy reddiye bérilidu. Shuninggha bezi ispatlar Qur'andin, bezi ispatlar tarixtin élinidu.

(2) «Xudaning ayali yoq» (ktb2)

Bu kichik kitabche musulman xelqning Tewrat-Injilda köp yerlerde tépilghan «Xudaning Oghli» dégen ibare toghrisida éghir uqushmasliqigha yüzlinip tekshüridu. Aylandurushlar, chüshéndürüshler Qur'andin hem addiy ammibap tildin élinidu.

(3) «Tewrat qanuni we Injil — ularning qandaq munasiwiti bar?» (ktb3).

Bu kitabta bolsa Tewrat we Injilning bir-birige zich bolghan munasiwiti tehlil qilinidu. Tewrat we Injilning munasiwiti «ten wé bash»tek bolup, bir-biridin ayrilmas bir pütündur.

 Tewrat (uningda tépilghan barliq tarixlar, emrler, wediler we bésharetler) intayin ajayib halda Injilda pütünley toluqlishidu we emelge ashurulidu.

(4) «Gunah — Insanlardiki birdinbir mesile» (ktb4)

«Xush xewer» — «Xush xewer» dégen néme? Bu kitabchide Tewrat, Zebur, Injildiki heqiqiy «xush xewer» tepsiliy qeyt qilinidu.

(5) «Estayidil izdengüchiler üchün» (ktb5)

Ushbur kitab musulman dostlarning Tewrat, Zebur we Injil toghrisidiki bashqa-bashqa so'allirigha, bolupmu iman-étiqad toghrisidiki so'allirigha bir-birlep sel toluqraq jawab bérishke intilidu.

(6) ««Yehwaning guwahchiliri»gha besh so'al» (ktb6)

Yéqindin béri özlirini «Yehwaning guwahchiliri» dep atiwalidighan bir mezhep-teshkilatqa tewedikiler ularning bid'etlik telimini Shinjang wé Qazaqistandiki Uyghur xelki hem Henzu xelqi arisida tarqitishka bashlinip ketti (Teshkilat yene «Közitish Munari» dep atlilidighan).

Bu addiy kitabche qérindashlargha ularning telimidin xaliy turushqa medet bersun dep, shundaqla shuning bilen bir waqitta bu teshkilatqa ésilip qalghanlarning teshkilattiki bid'etlik telimning nurghun xataliqlirini körüp chiqishi üchün ularni muhim melumat bilen teminlisun, dep ümid qilimiz.

(7) «Yiraq yurttin kelgen xet» (ktb7)

Intayin tesirlik bir hékaye, hékaye Injilni Xudadin kelgen heqiqiy xush xewer dep ishinishtiki ajayib netijilerni ayan qilidighan bir temsil.

(8) «Guwahliqlar» (ktb8)

Bu «guwahliqlar»da dunyadiki her chetlerdin kelgen 26 neper adem özining Eysa Mesihni dunyaning Qutquzghuchisi dep ishinip, Uninggha étiqad qilishidiki jeryanni bayan qilip éytidu hem étiqad qilghandin kéyin béshidin ötüp ketken ishlarni teswirleydu. Ularning kélip chiqishi herxil — «xristi'an», budda dinidiki dindar, musulman, até'ist, katolik dindar, yehudiy «rabbi» qatarliq kélip chiqishi bardur; narkomenler, jinayetchiler, haraqkeshlér, ziyalilar, alimlar, ölimilar, tiwiplar, proféssorlar we elwette addiy puqrilarningmu «guwahliqliri» bar. 

(9) «Atalmish «Injil al-Barnabas» — qipqizil bir yalghanchiliq» (ktb9)

Yeqindin béri bezi atalmish «alimlar» bu «Injil al-Barnabas» dégen yalghan kitab arqiliq xelqning doppisigha jigde salmaqchi. «Injil al-Barnabas»ta Injil toghrisida nurghun yalghan töhmet tépilidu. Kitabchide bu kitabning yalghanchliqini pash qilidighan addiy we éniq ispat körsitilidu.