Samiyɛl sɛbɛdĩɛ̃lw (1 Samuel) 31

Filisɩ yiɛntaabá juo du Isɩrayɛl bluuba, Isɩrayɛl bluubá ta kwarɩmmã. Bà dúrúu ǹ-kurǝǝ Gilbowa tãnũũgɩ nã-i.

2 Filisɩ yiɛntaabá kãã ɲǝ̃ǝ̃ ǹ-hi Sayulw bá nǝ̃ wù byanããba. Bá ko Sayul byanããbà siɛl: Sonãtãw, Abinãdabɩw nǝ̃ Malkisuwaw.

3 Byar'n fãngããgɩ́ juo dɩsɩrǝǝ Sayulw nã. Tǝ̃ǝ̃tuuraabà túulá ǹ-hi-yǝ, ǹ-kɔsuɔ-yǝ dugɔ.

4 Sayulẃ fǝ̃ǝ̃ ǹ-waa nǝ̃ wùú mãã wù tuu wù byarceɲinɲã wà: «Ŋmǝ̃ǝ̃l ǹ dãngunãw ń fã ń kǝ̃ǝ̃l-m! Nã̀ã wa blakoraa báà ga juo ce-dǝ, nã̀ã ce-m nǝ̃ bà gaabɩbliɛga.» Wùú mãã wù tuu wù byarceɲinɲã, gbǝrsǝrɩ̀ mãã dɩ̀ yáá dìi blǝ-yǝ ǹ-car, wu ba wù sáa wa wu hũɔ̃ ǹ-hiraa dɩ̀ nã. Gɩ̀-i Sayulẃ fǝ̃ǝ̃ ǹ-tuu wù dãngunãw ǹ-sũɔ̃l-yǝ nã̀ã nǝ̃nǝ̃ǝ̃ wù hla nã wù drɔ.