پولسینگ نامه‌سی اِفِسُسلارا
۱
خودایینگ اِراداسی بیلِن عیسی مسیحینگ رِسولی بُلان مِن پولسدِن اِفِسُسداقی مُقادِّسلِره، یَعنی عیسی مسیحده وِفادارلارا، دُغایی سالام!
۲ آتامیز خودایی و تانگریمیز عیسی مسیحینگ مِرحِمِتی و پاراحاتلیغی، قُی، سیزه بُلسون!
مسیحده آلیان روحی بِرِکِتلِریمیز
۳ تانگریمیز عیسی مسیحینگ آتاسی خودایا اُوگولِر بُلسون! اُل بیزی مسیحده آسمانداقی روحانی بِرِکِتلِرینگ هِمّه‌سی بیلِن بِرِکِتلِدی.
۴-۵ اُز حوضوریندا مُقادِّس و عایپسیز بُلماغیمیز اوچین، خودای بیزی دونیَه یارادیلمازدان اُزال سایلاپ-سِچدی، و سُیگیده عیسی مسیحینگ اوستو بیلِن بیزی اُغولّیغا آلماق بارادا اُوالدان قارارا گِلیپدی. بو اُنونگ گُونوندِن توروپ، اِراداسی بیلِن بُلدی.
۶ عزیز اُغلونینگ اوستو بیلِن بیزه بُلدان-بُل اِلی آچیق بِییک مِرحِمِتی اوچین خودایا اُوگولِر بُلسون!
۷ خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.
۸ شِیله هِم، بو مِرحِمِتینگ اوستو بیلِن اُل بیزی هِمّه حِکمِتی و دوشونجِسی بیلِن تُوِرِگیمیزی آلدی.
۹ خودای اُزال-باشدان مسیحده یِرینه یِتیرِن یاخشی نییِتلِرینینگ اوستو بیلِن اُز ایسلِگینینگ سیرینی بیزه اَشکَر اِتدی.
۱۰ واقتی گِلِنده، خودای بو نییِتینی یِرینه یِتیریپ، یِردَکی و آسمانداقی هِمّه زاتلاری بیر باشا، یَعنی مسیحده، بیرلِشدیرِر.
۱۱-۱۲ هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی. اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.
۱۳ ایندی سیز هِم حاقیقات سُزونی، یَعنی نِجات تاپماق باراداقی خوش خاباری اِشیدیپ، مسیحه ایمان گِتیردینگیز. شُنگا گُرَه-ده خودایینگ واعدا بِرِن مُقادِّس روحی بیلِن مُهورلِندینگیز.
۱۴ خودایا باغلی آداملار آزاد بُلیانچا، مُقادِّس روح بیزینگ میراثیمیزینگ ضامِنیدیر. بولارینگ باری خودایا جِلال گِتیریَر.
شوکور و دُغا اِتمِک
۱۵-۱۶ شُنگا گُرَه تانگریمیز عیسی بُلان ایمانینگیزی و خودایینگ هِمّه خالقینا بُلان سُیگینگیزی اِشیدِنیم بَری، سیزینگ اوچین خودایا بیرسیخلی شوکور اِدیپ، دُغالاریمدا سیزی دیلیمدِن دوشورِمُق.
۱۷ مِن خودایا، تانگریمیز عیسی مسیحینگ بِییک آتاسینا، سیزینگ اوچین دُغا اِدیَرین. قُی، اُل سیزه اُنی خاص قاوی تانیپ بیلمِگینگیز اوچین، سیزه مُقادِّس روحونگ حِکمِتینی هِم آیانلیغینی بِرسین.
۱۸-۲۰ خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین. بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.
۲۱ خودای مسیحی هِمّه حُکومدارلیقدان، ایختییارلیقدان، گویچ-قودراتدان و آقالیقدان، شِیله هِم دینگه بو زاماندا دَل، اُندان باشغا گِلجِک زاماندا-دا توتولجاق هِر بیر آددان خاص یُقاری قُیدی.
۲۲ خودای هِمّه زادی اُنونگ آیاقلارینینگ آشاغینا قُیوپ، کِلیسا اوچین اُنی هِمّه زادا باش اِدیپ بِردی.
۲۳ کِلیسا مسیحینگ بِدِنیدیر، یَعنی اُنونگ دُلولیغی هِر زادی هِر تایدان دُلدورییاندیر.