عیسانینگ دیرِلیشی
۱۶
سَبَّت گونی تاماملانان‌سُنگ، گیچ اُیلَن مَجدَلَلی مریم، یعقوبینگ اِنه‌سی مریم و سالومه گیدیپ، عیسانینگ جِسِدینه خوش ایسلی یاغلار چالماق اوچین ساتین آلدیلار.
مَرقُس ۱۶:۱-۲۰
۲ یِکشَنبه گونی، اُلار گون دُغاندا، قابرینگ باشینا گِلدیلِر.
۳ اُلار بیری-بیرلِرینه: «قابرینگ آغزیندان داشی بیزه کیم آیریپ بِرِرکَه؟» دییّشیَردیلِر.
۴ باشلارینی قالدیریپ سِراِدِنلِرینده، داشینگ بیر چِته تُغالاناندیغینی گُردولِر. سِبَبی داش قاتی اولودی.
۵ قابرا گیرِنلِرینده بُلسا، ساغ طارافدا آق لِباس گِینِن بیر یاش ییگیدینگ اُتوراندیغینی گُروپ حایران قالدیلار.
۶ اُل بولارا: «حایران قالمانگ! سیز صلیبه چویلِنِن ناصِره‌لی عیسانی گُزلِیَرسینگیز. اُل دیرِلدی، بو یِرده یُق! اینه، اُنونگ جِسِدینینگ قُیلان یِری.
۷ ایندی بُلسا بارینگ-دا، اُنونگ شَگیرتلِرینه و پِطرُسا: ”عیسی سیزدِن اُنگ جلیلَه باریار، اُزونینگ سیزه آیدیشی یالی، اُنی شُل یِرده گُرِرسینگیز“ دییّنگ» دییدی.
۸ آیال‍لار قابردان چیقیپ قاچدیلار. اُلاری تیترِمه هِم حایرانلیق قاپلاپ آلیپدی. اُلار قُرقولاریندان یانگا هیچ کیمه هیچ زات آیتمادیلار.
عیسی شَگیرتلِرینه گُرونیَر
[
۹ عیسی یِکشَنبه گونی ایر بیلِن دیرِلدی. اُل اَوَّل مَجدَلَلی مریمه گُروندی. عیسی اُنونگ ایچیندِن یِدی جینی قُووپ چیقاریپدی.
۱۰ مریم گیدیپ، مونی عیسی بیلِن بُلان و ایندی بُلسا اُنگا یاس توتوپ، آغلاشیپ اُتوران شَگیرتلِرینه خابار بِردی.
۱۱ اِمّا اُلار عیسانینگ دیریدیگینی و مریمه گُرنِندیگینی اِشیدِنلِرینده، مونگا اینانمادیلار.
۱۲ شُندان سُنگ عیسی شَگیرتلِریندِن ایکیسینه باشغا صوراتدا گُروندی. اُل ایکیسی اُبا طاراف باریاردیلار.
۱۳ اُلار هِم ایزلارینا اُورولیپ، مونی بِیلِکیلِره خابار بِردیلِر، اِمّا اُلار بولارا-دا اینانمادیلار.
۱۴ سُنگرا عیسی ساچاق باشیندا اُتوران اُنبیر شَگیرتلِرینگ اُزلِرینه گُرنوپ، ایمانسیزدیقلاری، یورِکلِرینینگ تِکِپبیرلیدیگی اوچین اُلارا کَیِدی. سِبَبی اُلار اُنونگ دیرِلِندیگینی گُرِن آداملارا اینانماندیلار.
۱۵ عیسی شَگیرتلِرینه شِیله دییدی: «هِمّه دونیَه آیلانینگ-دا، خوش خاباری هِمّه آداملارا واغیظ اِدینگ.
۱۶ ایمان گِتیریپ تَعمید آلینان نِجات تاپار، یُنه ایمان گِتیرمِدیک مَحکوم بُلار.
۱۷ شو عالاماتلار ایمان گِتیریَنلِرینگ هِمراه‌سی بُلار: مِنینگ آدیم بیلِن جینلاری قُووپ چیقارارلار، تَزه دیل‍لِرده کِپلَرلِر.
۱۸ اِل‍لِری بیلِن ییلان توتسالار-دا، زَهِر ایچسِلِر-ده، اُلارا ضِرِر یِتمِز. اِل‍لِرینی مِریضلِرینگ باشینا قُیارلار، اُلار هِم شِفا تاپارلار.»
۱۹ عیسی مسیح اُلارا بولاری گورّونگ بِرِنیندِن سُنگ، آسمانا آلیندی و خودایینگ ساغیندا اُتوردی.
۲۰ اُنسُنگ شَگیرتلِر گیدیپ، خوش خاباری هِمّه یِرده واغیظ اِتدیلِر. خودای اُلار بیلِن ایشلَپ، یِرینه یِتیَن عالاماتلار بیلِن اُز سُزونی تاصدیقلایاردی.]
مَرقُس ۱۶:۲۱-۲۱