3 Juan
Chi k'aadeapema k'art'a Juanpa bɨda
Chi Jesú ome nipada Juanpa nãɨ k'art'a bɨsima. Ãyo 90de Ép'eso p'uurude baside bɨsima. Nãɨ k'art'ade ara ichi chi Chõaane asima. K'art'a ũpẽa Gayo pae bɨsima.
Nãɨ k'art'ade Juanpa naa bɨsima ichi arapá bɨ, Gayopa chi piarã pedea ĩjãa bɨ pẽra mãɨnepa mãɨne pia ni pẽra (1-4). Mãɨ ɨ̃ari bɨsima ichia ũpẽarã peeda k'orea. Gayopa ãchi tede eda chepik'ari k'aripa bada k'orea Juanpa ichi k'orea pia jarasima (5-8). Maamina mãma chi ũpẽa atepe bayá bada Diotrep'e apataɨpa ãchiá itu jarateapik'a pasima. Mãɨ awara chi ãchi tede eda chepidada ãyá jeret'aapachima mãɨnepa Juan k'orea k'achia pedeapachima (9-10). Maamina Juanpa Gayoa jarasima Diotrep'e jĩra nipapiemaapa, mãɨpari waapẽarã pia oo bamẽrá (11-12). K'aadea bɨsima tãaraawẽa bɨde chi ununai mãɨnepa ũpẽarãpa k'ɨ̃ria p'anɨ ichi pia bait'a (13-15).