1 Juan
Chi naapema k'art'a Juanpa bɨda
Juan chi Jesú ome nipadapa nãɨ k'art'a bɨsima. Maamina nãɨ k'art'ade jarawẽa bɨma ichia nãɨ k'art'a bɨdat'a. Ãyo 90de bɨsima.
Nãɨ k'art'a jõma ũpẽarã pae bɨsima seade ĩjãapidaemaapa. Juan chõa beeside waapẽarãpa Jesú k'orea sea jarateadada mãɨne ĩjãa p'aneesidama. Ãchia jarapachidama Jesú nãɨ ĩjũane baside ẽpẽrarãpa abapuru ichi jaore unupachidat'a. Waapẽarãpa jarapachidama Jesú ẽpẽra pasimina porochoaside Cristo pasit'a. Mãɨnepa waapẽarãpa jarapachidama nãɨ k'ak'ua ãarea nemietá bɨt'a. Mãɨpuru jarateapachidama chi k'ɨ̃risia jɨrɨdai p'anɨt'a nãɨ k'ak'uadepema wãnai k'orea. Maamina mãɨ k'ɨ̃risia atadadapa jarapachidama nãɨ k'ak'uapa nemietá ooit'a pia bɨade apachidat'a.
Mãɨ k'orea Juanpa nãɨ k'art'a bɨsima. Chi k'ɨ̃risia minachia bɨ nãɨpɨ: Tachi Ak'õre Warra ¿k'aima? Mãɨnepa Tachi Ak'õre warrarã ¿k'airãma? Juanpa naa bɨsima tachi Tachi Ak'õre ɨnaane nipapataɨ k'orea (1:1—2:17). Mãɨ ɨ̃ari bɨsima tiore warrarã sãmaasã́ be mãɨnepa Tachi Ak'õre warrarã sãmaasã́ be (2:18—3:11). Mãɨ ɨ̃ari bɨsima chi tachia piarã abaɨ k'ɨ̃riapataɨ k'orea. Mãɨ Tachi Ak'õrepa tea bɨpɨ. (3:12—4:21). K'aadea bɨsima Jesude ĩjãa p'anɨnepa chi nãɨ ĩjũanepema nemietá p'uedait'a (5:1-21).