8
1 Oh, nangma kanu noi hinchepma kapenpipaana hitavele chun katitave!
Pamlama kahinmu teng jongle kahinchop ding nahi;
henge, i-sah louva kaumlou ding ahi.
2 Keiman nangma kalamkaija kapui puiding
eina hil jinga kanu insunga kapui lutding,
ka kolbuthei twija kon kisem
ju gimnamtui kadonsah ding nahi.
Jerusalem Chanute henga
3 Akhut veilam kalu noija aumin,
chule akhut jetlama chun eikoije.
4 Vo nangho Jerusalem chanute,
keiman nangho kathupeh nahiuve,
ngailutna hi ama chamtah-a ahung um tilouvin,
nanghon suhthou tho dingle suhkhah thoding gohih-un.
La Gupna
Inlam Hinjot
A-insung Mite
5 Angainu chunga kingaija
gamthipma kona hungdoh khu koi ahitadem?
Theithup phung noija kathodoh nahi;
chua chu nanun nanahin ahin,
chua chu nahingnun nahin hindoh ahi.
Shulam Nungah nun Angailutpa Henga
6 Suhdetna kinamkhum bangin nalungsunga neinam detnin lang,
nabanna jong neinam detnin;
ajehchu ngailutna hi thina bangin athaneijin,
thangthipna jong lhankhuh bangin a-engse-e;
amei chu meikong ahin, meikong nasa pentah ahi.
7 Twi tamtah in ngailutna asudai joupoi,
twisang lenho jengin jong alhoh joupoi;
min ngailutna dingin a-insunga anei jouse pedohsoh jongle,
ima-a simkham hilou lai ding ahi.
Shulam Nungahnu Sopi Pasal ho
8 Keihon sopi numeinu khat kaneijuve,
amanun noi aneihih laije;
amanu min ahungdoh nikho teng
kasopinu diuvin keihon ipi kabolpeh tadiuvem?
9 Amanu hi bang hitale,
achunga leng inpi dangka-a kasah diu ahi.
Chule amanu hi kotkhah hitale,
cedar thingpeh-a katom dingu ahi.
Shulam Nungahnu
10 Keima bang kahi,
chule kanoi teni jong insang tobang ahi;
chuin keima ama mitteni-a
lungmonna mu-a tobang kahung hitai
11 Solomon'in Baal-hamon'a lengpihon khat ananeijin;
aman lengpihon chu angahho angansen;
mitinin ahonsoh ga man dangka sangkhat cheh ahin pehlutdiu ahi.
Solomon Henga Ding
12 Kalengpihon keima angsunga aumme.
Vo Solomon, nangma sangkhat nachan ding,
chule aga ngahho chu jani changding ahiuve.
Moulang
13 Nangho hon leilaija chengho,
golle paiten na aw angai juve
hichu keijong nei jahsah-in.
Shulam Nungahnu
14 Hung kikinsah in kangaipa,
gimnamtui molsang ho chunga chun
nangma sakhi chalgol ahiloule
sakhinou tobangin hung umin.