Athenna le Athaneina Jeh-a Pathen Vahchoina
David Labol
29
1 # Pakai chu vahchoina peovin, vo, van miteAthahat aloupina chu vahchoijun,
Pakai chu loupina leh thahatna peovin.
2 Pakaiya amin loupina chu peuvin;
athen hoina-in Pakai chu houvun.
3 Pakai aw chu twiho chunga aumin;
Pathen loupinachu ahung kitumjah-in;
Pakai chu twiho chunga chun aumin ahi.
4 Pakai aw chu thaneitah ahin;
Pakai awchu lal loupina-a dimset ahi.
5 Pakai aw chun Cedar thingho amanthah sah-in;
henge, Pakaiyin Lebanon'a Cedar ho asumang gamtai.
6 Aman amaho bongnou bangin akichopsah-in;
Lebanon le Sirion chu sakol kinei nou abahsah-e.
7 Pakai aw chun meika al-lenglung
aphelkhen-in ahi.
8 Pakai aw chun gamthip gam ahotlingjin,
Pakai chun Kadesh ahotlingtai.
9 Pakai aw chun sajuhpi bongnou asosahjin,
gammangho jong achaisah in,
a-houin sunga umho jousen aloupina aseijuve.
10 Pakai chu twisohho chunga chun atouvin;
henge, Pakai chu tonsot lengdin atouvin ahi.
11 Pakaiyin amite henga thaneina pentin,
Pakaiyin amite chu chamna-a phatthei abohding ahi.