Loupina Lengpa Leh Alenggam
David Labol
24
1 # Vannoi leisetle asunga cheng jouse,aboncha Pakaiya ahi.
2 Ajehchu aman twipiho chunga atundoh-a,
twisohho chunga aphudet ahi.
3 Pakai lhanga kaldinga koi hija,
amunthenga gading dinga koiham?
4 # Khut thengle lungtheng neija,
ahinna pannabei dinga pedohlou,
jouva kihahsel louhel mi chu ahi.
5 Aman Pakaiya kona vangbohna le,
ahuhhingpa Pathen'a kona chonphatna amuding ahi.
6 Vo Jacob hichehi ama holtele
namai holte khanggui chu ahi. Selah
7 Vo kotpi ho, nanghon nalu-u domsangun,
chule tonsot kotpi nangho kikhang sangun,
chutile loupina leng chu hunglut ding ahi.
8 Hiche loupina leng chu koiham?
Pakai thahat tah le thaneitah,
gal hattah Pakai chu ahi.
9 Vo kotpiho, nanghon nalu-u domsangun,
chule tonsot kotpi nangho kikhang sangun,
chutile loupina leng chu hunglut ding ahi.
10 Hiche loupina leng chu koiham?
Janel Pakai, ama loupina leng ahi. Selah