Pathen Inthenga Umding Mi
David Labol
15
1 Pakai nahoubuh-a koi aumin? nalhang thenga koi acheng tadem?
2 Lungdih-a chonale, chonphatna bola,
chule alungsunga thudihsei.
3 Akama mi seise lou,
aheng akom chunga jong thilse bollou,
chule aheng akom i-sah louva douva bol hilou.
4 Amitmua miphalou vetda,
ahia Pakai gingho vang jabol;
ama le ama kisuhkhah nadia kihahsel leh lungkhel kitlou.
5 Apung dinga sumpa hom ngailou,
monabei chunga nehguh la ngailou mi.
Hicheng thilho bolla chu imatih-a longlou ding ahi.