LABU
Michonpha ho Lampi leh Pathen Helouho kichaina Ding
1
1 Pathen ngaisahlouho thumopma chonlou,michonse te lamlhah-a jong dingle lou,
i-sah louho touna-a jong toulou michu anun nome.
2 Amavang alung lhaina chu Pakai danthu-ah aumin;
adanthu chu sunle janin angaito jin ahi.
3 # Amachu vadung panga thingphung kiphut tobang,
aphatcha aga sodoh jia,
anajong gop louding;
chule abol jousea lolhing ding ahi.
4 Pathen ngaisah louho vang chutobang ahipoi.
Ahin huijin amut mangji changvai tobang bou ahi.
5 Hijeh chun Pathen ngaisahlouho chu
thutan na-a ding jouloudiu,
chujongle chonseho chu
michonpha ho houkhom na-a pangloudiu ahi.
6 Ajehchu Pakaiyin michonpha ho lampi chu ahen,
hinla Pathen ngaisahlouho lampi vang mangthah ding ahi.