Thempuho le Levi ho
12
1 Tun hichehohi Shealtiel chapa Zerubbabel le Jeshua toh kilhona chetouva thempuho le Levi hochu ahiuvin, Seraiah, Jeremiah, Ezra. 2 Amariah, Malluch, Hattush, 3 Shechaniah, Rehum, Meremoth, 4 Iddo, Ginnethoi, Abijah, 5 Miamin, Maadiah, Bilgah, 6 Shemaiahle Jolarib, Jedaiah, 7 Sallu, Amok, Hilkiah, Jedaiah. Hichehohi Jeshua nikho laija thempuho leh asopiho lah-a lamkai pipen ahiuve. 8 Hiche chungchon chun Levi ho, Jeshua, Binnui, Kadmiel, Sherebiah, Judah le Mattaniah hi amale asopiho thangvah na-a lamkaijin apangun, ahi.9 Bakbukiah le Unni chule asopite jong chu amaho vetupmin apanguve.
Jeshua Thempu Chungnung Chilhah ho
10 Chule Jeshua'n Joiakim ahingin, Joiakim'in Eliashib ahinge, Chule Eliashib'in Joiada ahingin, 11 Chule Joiada'n Jonathan ahingin, Jonathan'in Jaddua ahingin ahi.
Thempu Phung Luboh ho
12 Chule Joiakim nikho laija thempuho apateo luchangho chu: Seraiah, Meraiah; Jeremiah, Hananiah; 13 Ezra, Meshullam, Amarian, Jehohanan: 14 Melicut, Jonathan, Shebaniah te, Joseph, 15 Harim te, Adna; Meraioth, Helkai, 16 Iddo te, Zekeriah, Ginnethon, Meshullam, 17 Abiah, Zilchri, Miniamin, Moadiah, Piltai, 18 Bilgah te, Shammua, Shemaiah, Jehonathan, 19 chule Joiarib, Mattenai, Jedaiah, Uzzi, 20 Sallai, Kallai, Amok te, Eber, 21 Hilkiah, Hashabiah, Jedaiah, Nethaneel.
Thempu holeh Levi ho Insungmi
22 Eliashib, Joiada, Johanan chule Jaddua nikho laija Levi ho chu apateu pipuija ana kisunlut ahiuvin, Persia mi Darius in vaihom lah-a thempuho jong ahiuve.
23 Levi chapate le apateu pipuiho chu Eliashib chapa Johanan nikho geijin thusimbua akijihlutsoh keijin ahi.
Houin'a Tohding Kigontoh
24 Chule Levi ho lamkai pipuiho chu, Hashabiah, Sherebiah, chule Kadmiel chapa Jashua le asopihotoh, Pathen mipa David thulhahna dungjuija vahchoina le thangvahna pedingin aloiloijin akilhauve.
25 Mattaniah, Bakbukiah, Obadiah, Meshullam, Talmon, Akkub hohi kotbula thilkeu koikhom nahole kotpi ngaho ahiuve.
26 Hitehohi Jozadak chapa Jeshua chapa Joiakim nikho lai leh gam vaipo Nahemiah le Ezra thempu leh lekhasunpa nikholaija um anahiuve.
Nehemiah'in Jerusalem Kulbang Athenso
27 Jerusalem kulbang thensona-a Jerusalem'a hung dingin Levi te chu kulbang chu kipahtah-a thenso ahina dingin selangdah, tumging, khutbeh, lasah le thuseidin aumnao munjouse-a konin aholdoh-un ahi. 28 Chule lasa themho chapate chu Jerusalem le akimvel phaicham Netophah mi khoho-a konin ahung khomun. 29 Chujongle Gilgal ina konle, Geba le Azmavath gama konin ahung kikhomun ahi. Ajehchu lasa hochun Jerusalem kimvella chun khoho anatungdoh-un ahi. 30 Chule Thempuho le Levi ho chu akisuthengun, chule mipihole kotpiho chule akul bangho chu asuthengun ahi.
31 Chujouvin keiman Judah milenho chu kulbang chunga kapuidoh in, chule thangvahna pedingin loilentahtah nin kahom khenin, loikhat chu kulbang chunga ehkotpi jetlama chun acheuvin, 32 Amaho nunga hin Hoshaiah le Judah pipuiho akehkhat jen akitolun ahi. 33 Chule Azariah, Ezra le Meshullam, 34 Judah, Benjamin, Shemaiah chule Jeremiah, 35 Chule sumkon choi thempu chate loikhat aminu chu Jonathan chapa Zekeriah, Mattaniah chapa, Michaiah chapa, Zaccur chapa, Asaph chapa, 36 Chule Pathen mipa David tumging manchah chu asopiho Shemaiah, Azarel, Milalai, Gilalai, Maai, Nethanel, Judah, Hanani in akengun, chule lekhajihpa Ezra chu alamkaijin ahi. 37 Amaho jonna um twinah kotpi phungle, kulbang jottouna David insahlam solamsang twi kotpi geile David khopi kalbia chun akaltouvun ahi. 38 Chule loichom dang thangvahna peho chu, amaho jong chu acheuvin, keima anunguva kachen, chule mipi akehkhat chu meilhum insang khella pat kulbang satah gei, bang chunga chun acheuvin, 39 Chule Ephraim kotpi chunga kotpilen chungah, chule Hananeel insanglen Maah insanga pat kelngoi kotkhah geijin acheuvin, chuin amaho songkul kotpi-a chun adingdenun ahi.
40 Hitichun keimale Pathen ina thangvahna peho loini hole, kaum khompi vaihomho akehkhat chu kadingun, 41 Chule sumkon choija thempuho chu Eliakim, Maaseiah, Miniamin, Micaiah, Elioenai, Zekeriah, chule Hananiah, 42 Chule Maaseiah, Shemaiah, Eleazar, Uzzi, Jehohanan, Malchijah, Elam chule Ezer ahiuve. Chule la saho chun avaipopao Jezrahiah toh hatah-in asaove.
43 Chujongle hicheni chun ganlhaina loupitah ho atoh un, akipah thanomun ahi. Ajehchu Pathen'in amaho chu kipana lentah in akipa sah-in ajite houle achateu hojong akipah thanom mun, hitichun Jerusalem kipana chu gamlatah in jong akijan ahi.
Houin'a Pathen Houna-a Dinga Thilpeh
44 Chule hichepet laichun, loujaoho lah-a le khopiho-a danthupeh dungjuija thempuho le Levi ho chan ga masaho, thiltoho, hopsom ho thil kholna indan ho-a, kholkhom din mi phabep akipansah-e. Ajehchu thempuho leh Levi ho kinboljeh chun Judah akipah thanomin ahi. 45 # Chule David le achapa Solomon thulhahna dungjuijin, a-Pathen dinguva natoh peh dandingle kisuh thengna dan chu lasaloile kotngah hon jong ajopmun ahi. 46 Ajehchu malai David le Asaph nikho laijin, lasaloi lamkaile Pathen vahchoina le pachatna lasa ana umin ahi. 47 Chule Zerubbabel le Nehemiah nikho laijin Israel jouse lasa holeh kotngah hochu niseh-in achan dolu ana pejiuvin ahi. Chule thiltheng hochu Levi hodin asuthengun, chule Levi hon hicheho chu Aaron chate dingin asuthengun ahi.