Pɔɔri wɑ̃̀ri dìì pɑ́tíri
Titi
Di mpɑ́tíri tɔ tìì nɑ́ɑǹtì
Titi do tú onìtì nwe wèè í tú Sifu kó kubotí kou. Kòo yie nYesu, kɛ́nnɛitinɛ̀ Pɔɔri kɛ̀ bɛ̀ nɑ̀ɑ́ nKuyie nnɑ́ɑǹtì. Pɔɔri do yóó ò wɑ̃̀ri di mpɑ́tíri kɛ sɔ̃́ nhò bo Kɛdɛti nwe, Pɔɔri weè do kɛ̀ nhò tɔ̃ nkòò bo pɑɑtɛ́ mutɔ̃mmú centìmɛ̀ nɛ̀ bɛ̀ tũ̀ntɛmɛ̀ Kuyie mbɑ́ɑmmu.
Mɛketimɛ̀ kòò dɔ̀ Titi dò nkɛ́ bɛ̀ dèntɛmu bɛ̀ɛ̀ ni Kirisi kɔbɛ tĩ̀rɛ̀ bɛ̀ dò nkɛ́ndòmmɛ̀, dɛ mɔ̀nnì bɑ́ wè ò do yɛ̃́mu kɛ dò nKɛdɛti kɔbɛ tú bɛ̀ɛ̀ fòmmu í wenni.
Dɛ kó difɔ̃nkúò kɛ̀ Pɔɔri ò duɔ́ nyitié nhò bo ntièmmɛ̀ bɛdɑkótíbɛ̀ nɛ̀ bɛpokótíbɛ̀ Kirisi kɔbɛ tĩ̀nnì miɛkɛ, kɛ̀ bɛ̀ múnkɛɛ tuo ndɛ kó itié mbɛbɛ́mbɛ̀ nɛ̀ bɛ̀ɛ̀ tú tidɑɑtì. Kòo bɛ̀ dèntɛ Kirisi kɔbɛ dòmmɛ̀ kɛ́nnɑɑtinɛ̀ bɛtɔbɛ̀, kɛ̀ dɛ̀ɛ yie nkɛ̀ mɛtotímɛ̀ bɑ́ mbo.
1. Bɛwedɔunkótíbɛ̀ dò nkɛ́ndòmmɛ̀ 1
2. Bɛdɑkótíbɛ̀ nɛ̀ bɛpokótíbɛ̀ bɛ̀ dò nkɛ́ndòmmɛ̀ 2
3. Kirisi kɔbɛ dò nkɛ́ndòmmɛ̀ 3