Pɔɔri wɑ̃̀ri dìì pɑ́tíri ketirì Kirisi kɔbɛ bɛ̀ɛ̀ bo
Tɛsɑdoniki
Di mpɑ́tíri tɔ tìì nɑ́ɑǹtì
Tɛsɑdoniki do tú Mɑseduɔnni tempɛ̃ nkó dihɛidiɛ̀ ndi. Pɔɔri do nɑ̀kɛ́ Kuyie nnɑ́ɑǹtì Fidipu ɛì kɔbɛ kɛ́deè kɛ́kɔtɛ kɛ̀, kɛ́ kɛ̀ ketɛ́ Kirisi kɔbɛ tĩ̀nnì kɛ nɛ́ í nkɛ mɔ̀ntɛ kɛ yɛ̃́ Sifubɛ mɑbɛ̀ do yetɛmɛ̀ o kpɛti kɛ́nkɔɔ́ kóò bɛ̀ti.
Mɛm̀mɛ kòo dɛ̀ ìtɛ́ kɛ́kɔtɛ Bedee (Yesu Tɔ̃rɛ̀ 17:1-10). Ò kɛ mbo kɛ̀ Timɔntee wèè do kpɑɑ́ Tɛsɑdoniki kòo ò sɔ̃̀ńkóo kóò nɑ̀kɛ́ dɛ̀ kɛ̀ dòmmɛ̀. Kòo yɛ̀mmɛ̀ nɑrikɛ mɛsɑ̀ɑ̀ nkòò sɑ̃ntɛ Kuyie mbɛ̀ kù yie mmɛ̀ɛ̀ kpɛ́í nkɛ kù dɔ́. Kòò bɛ̀ dèntɛní ò do dɔ̀ɔ̀ mùù tɔ̃mmú bɛ ciɛ mu kpɛ́í kɛ́yɑ́úkùnnɛ bɛ kɔ̃̀ntì Kirisi kó kucɛ kpɛ́í. Kɛ múnkɛ bɛ̀ tɛ̃̀ńnɛ́ tìì do bɛ̀ kɔɔ́nnɛ̀ mukúkɛ́yɑ̃́ntímù ĩ́nkɛ̀ nɛ̀ Yesu bo nyóó wɛ̃tɛní kɛ̀ dɛ̀ dòmmɛ̀.
1. Pɔɔri sɑ̃ntɛmɛ̀ Kuyie Tɛsɑdoniki kɔbɛ kpɛ́í 1-3
2. Pɔɔri tièmmɛ̀ Tɛsɑdoniki kɔbɛ kɛ tú bɛ̀ nfòù mufòmmu sɑ̀ɑ̀mù 4:1-12
3. Pɔɔri bɛ̀ tié ntì Yesu yóó wɛ̃tɛní mɛ̀ɛ̀ botí 4:13-5:11
4. Itié nsɔnyi 5:12-28