Ɛsitɑdɑsi
Di mpɑ́tíri tɔ tìì nɑ́ɑǹtì
Ɛsitɑdɑsi nɛ̀ Nɛemii dɛ kó yɛpɑ́tɛ yɛdɛ́ ti nɑ́ɑ́ nSifubɛ bɛ̀ do pĩ̀ḿmú bɛ̀ kɛ́kònnɛ̀ Bɑbidɔnni kɛ̀ bɛ̀ɛ konní bɛ ɛì Sedisɑdɛmmu, bɛ kó tinɑ́ɑǹtì nti.
Tìì wɑ̃̀ri dɛ kó yɛpɑ́tɛ yɛdɛ́ yɛ miɛkɛ tìì dɔ̀ɔ̀ tìnti yɛbie ntɛkɔ̀ùtɛ̀ miɛkɛ. Ɛsitɑdɑsi kó dipɑ́tíri ti nɑ́ɑ́ mPɛrɛsi tenkɛ̀ kóo kpɑ̀ɑ̀tì Siduusi pɑ̃mɛ̀ mmɛ kucɛ mɛketimɛ̀ Sifubɛ kɛ̀ bɛ̀ konní Sedisɑdɛmmu. Bɛ̀ do konní kɛ́ketɛ́ kɛ́mɑɑ́ diwũɔ̃tɔ̀nnì ndi bɛ̀ do feu dɛ̀ iwũɔ̃ Kuyie, dɛ kó difɔ̃nkúò yɛbie mmɑyɛ̀ kɛ̀ bɛ̀ɛ mɑɑ́ Kuyie ncĩ́ɛ̃̀tɛ̀ Dɑdiyuusi tu dìì mɔ̀nnì okpɑ̀ɑ̀tì(5:1-2). Asee nɛ̀ Sɑkɑrii bɛ̀ tu dìì mɔ̀nnì ndi Kuyie mpɑ̃ɑ̃nɑ́ɑǹtì nɑ́ɑm̀bɛ̀. Kɛ̀ dɛndɛɛ pɛ̃ɛ̃tɛ́ kɛ̀ Pɛrɛsi tenkɛ̀ kóo kpɑ̀ɑ̀tì Aditɑkisɛsii tɔ̃ Ɛsitɑdɑsi wèè do tú ikuɔ́ nìùtì nɛ̀ i wɑ̃ɑ̃̀tì Sedisɑdɛmmu, kòo yɑ́úkùnnɛ bɛnìtìbɛ̀ kɔ̃̀ntì Kuyie mbɑ́ɑ́mmù bíɛ́kɛ̀.
1. Okpɑ̀ɑ̀tì duɔ́mmɛ̀ dinùù Sifubɛ kɛ̀ bɛ̀ bo kò nkɛ́mɑɑ́ Kuyie ncĩ́ɛ̃̀tɛ̀ 1
2. Sifubɛ bɛ̀ɛ̀ kò nKuyie ncĩ́ɛ̃̀tɛ̀ kó mumɑrimù 2
3. Bɛ̀ íimmɛ̀ Kuyie mbɑ́ɑ́mmù 3
4. Bɛ dootitɔbɛ̀ kó tinɑ́ɑǹtì kɛ́ntɔ kɛ́tuɔkɛnɛ̀ bɛ̀ bɑɑ́mmɛ̀ diyentɛ́bɑnni 4-6
5. Ɛsitɑdɑsi pĩ mmùù tɔ̃mmú 7-10