Ruti xa Taruxui
Masenyi nde yi Kitaabui xa fe ra
Yi kitaabui findixi taruxui di nan na ginɛ firin xa fe ra. Ginɛ nde nun a xa mɔri nan keli e xɔnyi Isirayila bɔxi ma, e tunu Mowaba bɔxi ma. Mɛnni, na xɛmɛ nun a xa di xɛmɛ firinyie naxa faxa. Na kaaɲɛ ginɛ nun a xa die xa ginɛe naxa lu naa e keren setareɲa kui. A raɲɔnyi, na kaaɲɛ ginɛ naxa natɛ tongo a xa gbilen a xɔnyi. A xa mamadi Ruti naxa bira a fɔxɔ ra xanunteya xa fe ra. E to so Isirayila bɔxi ma e xa sunnunyi kui, Alatala naxa kaabanakoe nde raba naxan a masenma a tɔɔrɔmixie xanuma. A naxa mɛɛni na ginɛ firinyie ma a fanyi ra, alako e naxa lu setareɲa kui e kerenyi ma.
Yi taruxui nɔma limaniya fide to mixie ma, naxee nɔma a maɲɔxunde a Ala bara nɛɛmu e ma. Xa mixi bira Ala fɔxɔ ra, e a sago rabama, Ala mu nɛɛmuma e ma fefe ma. Tɔɔrɛ nde nɔma e lide, kɔnɔ Alatala nɔma na tɔɔrɛ mafindi fe fanyi ra. Yi taruxui fɔlɛ makinikini, kɔnɔ a raɲɔnyi a Ala sɛnbɛ nun a xa xanunteya masenma won bɛ. Ala xa won mali na kolonde won ma duniɲɛigiri kui. Amina.
Ruti xa Taruxui