Kakain ti haxewai teik pepa ie
Jud tel aposel tai teik pas ie hani teka kahikahi Krais sai 50 ahang muhin ti Jises moih aliawa ape Haeu waxi i hani tesol tonan. Jud i tel ti ukale Jises Krais komuh. I hahongo teka kahikahi Jises Krais ti kanipetiai teteka laha hahanau meng tenen kumahe salan ti i kum pahowi hani waliko ti Jises ma tesol aposel hahanau. I kakane lato ka lotu tatalewa, pakata kapitawa kapi Jises Krais, hualiwa seilon liai ma watakaiwa ailei saun lialun lehe lato he sekusek ma tu xox ti kakain salan ti Haeu.