Kakain ti haxewai teik pepa ie
Jon tel aposel tai teik pas ie hani teka kahikahi Krais sai 60 ahang muhin ti Jises moih aliawa ape Haeu waxi i hani tesol tonan. Jon kakaxi sale tonain wanen, tetenen ti seilon tunahi na laha usi aweisali Jises Krais. I kakane hakui teka kahikahi Krais ti waheniai seilon liai hanowi ti lato waheni Haeu. Tin i hahongo lato ti kanipetiai teteka laha hahanau meng tenen kumahe salan sale Haeu. Laha kakaxi ka Jises Krais i kumahe tel Nati Haeu. Laha ukek i kum sohot seilon hanowi kaha ma i kum aliama. Jon kokola puputa ti laha ti hualiai teka kahikahi Krais lehe lato tu matuha ti kakain salan ti Haeu ma ti xoxoi namilolato ti Jises Krais tel Nati Haeu.