جواب يَعْقُوب
مقدمة
اللّه رسّل المسيح أشان ينادي كل الناس يدْخُلوا في درِب الإيمان. الكتاب دا، كتبه يَعْقُوب. و يَعْقُوب دا، هو ما معْروف. ناس واحِدين بُقولوا هو ولْد أمّ عِيسَى المسيح. و كن الكلام دا صحيح، خلاص يَعْقُوب دا هو كبير مجْموعة المُؤمِنين في مدينة القدس في الوكت داك.
و جواب يَعْقُوب دا، هو موجّه للمسيحيّين المن أصِل يهودي القاعدين في أيِّ بكان. في الجواب دا، يَعْقُوب شجّعاهم أشان يحْملوا التجْرِبة و التعب الهمن قاعدين تِحْته بسبب إيمانهم بالمسيح. و تعْليمه يحجّي بالحال الواجْبة للمُؤمِنين و دا جايِ من تعْليم المسيح ذاته.
في الجواب دا، يَعْقُوب قال كن أيِّ نادم ينْكرِب في وصايا اللّه، اللّه يبارِكه. و خلّي أيِّ نادم اليقْري الجواب دا، يكُرْبه عديل. آمين.