٩٣
١ اللّٰهْ هُو الْمَلِكْ!
هُو لَابِسْ الْعَظَمَةْ
وَ رَابِطْ الْقُدْرَةْ مِثِلْ حِزَامْ.
فِي شَانْ دَا،
الْعَالَمْ قَاعِدْ ثَابِتْ
وَ مَا يِلْحَرَّكْ.
٢ يَا اللّٰهْ،
مِنْ زَمَانْ مُلْكَكْ ثَابِتْ
وَ دَايْماً إِنْتَ قَاعِدْ.
٣ الْبُحُورْ صَرَخَوْا،
يَا اللّٰهْ!
الْبُحُورْ رَفَعَوْا حِسُّهُمْ.
أَيْوَى،
الْبُحُورْ صَرَخَوْا وَ دَقْدَقَوْا!
٤ يَا اللّٰهْ،
إِنْتَ عَظِيمْ فِي الْعَالِي
زِيَادَةْ مِنْ حِسّ أَلْمِي الْكَتِيرْ
وَ عَظِيمْ مِنْ مَوْج الْبَحَرْ.
٥ مُعَاهَدَتَكْ صَادْقَةْ مَرَّةْ وَاحِدْ
وَ قَدَاسْتَكْ تِجَمِّلْ بَيْتَكْ إِلَى الْأَبَدْ،
يَا اللّٰهْ!