وَصِيَّةْ لِكَبِيرْ الْغَنَّايِينْ: مَزْمُورْ لِأَوْلَادْ قُورَحْ
٤٧
١ يَا الشَّعَبْ،
إِنْتُو كُلُّكُو صَفُّقُوا
وَ أَفْرَحَوْا لِلرَّبّ بِزَغْرَاطْ!
٢ أَشَانْ اللّٰهْ الْعَالِي مُخِيفْ
وَ هُو الْمَلِكْ الْكَبِيرْ فِي كُلَّ الْأَرْض.
٣ هُو خَطَّ شُعُوبْ تِحِتْ سُلْطِتْنَا
وَ خَطَّ أُمَمْ تِحِتْ رِجِلَيْنَهْ.
٤ هُو عَزَلْ لَيْنَا وَرَثَةْ،
فَرْحَةْ يَعْقُوبْ مَحْبُوبَهْ.
وَقْفَةْ.
٥ الرَّبّ أَنْرَفَعْ فِي أُسْط الزَّغْرَاطْ
وَ فِي حِسّ الْبُوقْ،
اللّٰهْ جَاءْ.
٦ غَنُّوا لِلرَّبّ،
غَنُّوا!
غَنُّوا لِمَلِكْنَا،
غَنُّوا!
٧ أَشَانْ مَلِكْ كُلَّ الْأَرْض،
هُو الرَّبّ!
غَنُّوا لَيَّهْ غِنَيْ!
٨ الرَّبّ يَمْلُكْ فِي الْأُمَمْ،
الْإِلٰـهْ قَاعِدْ فِي عَرْشَهْ الْمُقَدَّسْ.
٩ حُكَّامْ الشُّعُوبْ لَمَّوْا
مَعَ شَعَبْ إِلٰـهْ إِبْرَاهِيمْ
أَشَانْ كُبَارَاتْ الْأَرْض هِنَيْ اللّٰهْ،
هُو الْعَالِي مِنْ كُلَّ شَيّءْ.