وَصِيَّةْ لِكَبِيرْ الْغَنَّايِينْ: لِيِغَنُّوهْ حَسَبْ الْحِسّ الْبِنَادُوهْ «الْبَنَاتْ»، غِنَيْ لِأَوْلَادْ قُورَحْ
٤٦
١ الرَّبّ هُو مَلْجَئْنَا وَ قُدْرِتْنَا
وَ فَزَعْ دَايِمْ فِي كُلِّ ضِيقَةْ.
٢ فِي شَانْ دَا،
مَا نَخَافَوْا مِنْ شَيّءْ
وَكِتْ الْأَرْض تِلْحَرَّكْ
وَ وَكِتْ الْجِبَالْ يِنْهَزَّوْا
فِي أُسْط الْبَحَرْ
٣ وَ أَلْمِيهُمْ يِسَوِّي حَرَكَةْ وَ رِغْوَةْ
وَ الْمَوْج يِرَجِّفْ الْجِبَالْ.
وَقْفَةْ.
٤ وَ لَاكِنْ فِيَّهْ بَحَرْ
الرُّجُولَهْ يِفَرُّحُوا مَدِينَةْ الرَّبّ،
الْمَدِينَةْ الْمُقَدَّسَةْ
مِنْ كُلَّ مَسَاكِينْ اللّٰهْ الْعَالِي.
٥ الرَّبّ قَاعِدْ فِي أُسُطْهَا
وَ هِي مَا تِنْهَزَّ.
الرَّبّ يَفْزَعْهَا فِي الْفَجُرْ.
٦ الْأُمَمْ هَرَجَوْا
وَ مَمَالِكْ أَتَّرْتَعَوْا.
الرَّبّ رَفَعْ حِسَّهْ
وَ الْأَرْض مَاعَتْ!
٧ اللّٰهْ الْقَادِرْ مَعَانَا
أَيْوَى،
إِلٰـهْ يَعْقُوبْ هُو مَسْكَنَّا الْقَوِي.
وَقْفَةْ.
٨ تَعَالُوا شِيفُوا أَعْمَالْ اللّٰهْ!
هُو يِجِيبْ الْبَهِيتَةْ فِي الْأَرْض.
٩ هُو يِوَقِّفْ الْحَرِبْ لَحَدِّي فِي آخِرْ الْأَرْض
وَ يِكَسِّرْ أَيِّ نُبَّالْ وَ حَرْبَةْ
وَ يِحَرِّقْ كُلَّ الدَّرَقْ.
١٠ وَ يُقُولْ:
«خَلُّوا السِّلَاحْ
وَ أَعَرْفُوا كَدَرْ أَنَا الرَّبّ،
الْعَالِي فِي الْأُمَمْ وَ الْعَالِي فِي الْأَرْض.»
١١ اللّٰهْ الْقَادِرْ مَعَانَا
أَيْوَى،
إِلٰـهْ يَعْقُوبْ هُو مَسْكَنَّا الْقَوِي.
وَقْفَةْ.