عِيسُو مشى سكن في بلد أَدَوْم
٣٦
١ دَاهُو ذُرِّيَّةْ عِيسُو الْمَعْرُوفْ بِأَدَوْم.
٢ عِيسُو أَخَدْ مِنْ بَنَاتْ الْكَنْعَانِيِّينْ عَادَةْ بِنَيَّةْ إِيلُونْ الْحِتِّي وَ أُهُلِبَامَةْ بِنَيَّةْ عَنَى.
وَ عَنَى دَا،
هُو وِلَيْد صِبْعُونْ الْحِوِّي.
٣ وَ فِي رَاسْ عَوِينَهْ الْآخَرِينْ،
عِيسُو أَخَدْ بَاسْمَتْ بِنَيَّةْ إِسْمَاعِيلْ أَخُتْ نَبَيُوتْ.
٤ وَ عَادَةْ وِلْدَتْ أَلِفَازْ لِعِيسُو.
وَ بَاسْمَتْ وِلْدَتْ لَيَّهْ رَعُوِيلْ.
٥ وَ أُهُلِبَامَةْ وِلْدَتْ لَيَّهْ يَعُوشْ وَ يَعْلَامْ وَ قُورَحْ.
وَ دَوْل أَوْلَادْ عِيسُو الْوِلْدَوْهُمْ لَيَّهْ فِي بَلَدْ كَنْعَانْ.
٦ وَ عِيسُو شَالْ عَوِينَهْ وَ أَوْلَادَهْ وَ بَنَاتَهْ وَ كُلَّ النَّاسْ الْفِي بَيْتَهْ وَ بَهَايْمَهْ وَ مَالَهْ وَ كُلَّ شَيّءْ اللِّقَاهْ فِي كَنْعَانْ.
وَ حَوَّلْ مَشَى بَلَدْ آخَرَةْ بَعِيدْ مِنْ أَخُوهْ يَعْقُوبْ.
٧ أَشَانْ الْبَلَدْ الْهُمَّنْ سَاكْنِينْ فَوْقهَا بِقَتْ لَيْهُمْ ضَيْقَةْ.
وَ مَا يَقْدَرَوْا يِعِيشُوا سَوَا أَشَانْ مَالْهُمْ بِقِي كَتِيرْ.
٨ وَ عِيسُو،
الْمَعْرُوفْ بِأَدَوْم،
مَشَى سَكَنْ فِي جِبَالْ بَلَدْ سَعِيرْ.
ذُرّية عِيسُو
٩ دَاهُو ذُرِّيَّةْ عِيسُو أَبُو الْأَدَوْمِيِّينْ فِي جِبَالْ بَلَدْ سَعِيرْ.
١٠ أَوْلَادْ عِيسُو هُمَّنْ أَلِفَازْ وِلَيْد عَادَةْ وَ رَعُوِيلْ وِلَيْد بَاسْمَتْ.
١١ وَ أَوْلَادْ أَلِفَازْ هُمَّنْ تَيْمَانْ وَ أُمَارْ وَ صَافِي وَ قَعْتَامْ وَ قِنَازْ.
١٢ وَ أَلِفَازْ وِلَيْد عِيسُو عِنْدَهْ سِرِّيَةْ أُسُمْهَا تِمْنَاعَةْ هِي جَابَتْ لَيَّهْ وِلَيْد أُسْمَهْ عَمَالِقْ.
وَ دَوْل أَوْلَادْ عَادَةْ مَرِةْ عِيسُو.
١٣ وَ أَوْلَادْ رَعُوِيلْ هُمَّنْ نَحَتْ وَ زَارَحْ وَ شَمَّا وَ مِزَّا.
وَ دَوْل أَوْلَادْ بَاسْمَتْ مَرِةْ عِيسُو.
١٤ وَ أُهُلِبَامَةْ مَرِةْ عِيسُو،
هِي بِنَيَّةْ عَنَى وَ جِدَّهَا صِبْعُونْ.
وَ هِي وِلْدَتْ لَيَّهْ يَعُوشْ وَ يَعْلَامْ وَ قُورَحْ.
شُيوخ ذُرّية عِيسُو
١٥ وَ دَاهُو شُيُوخْ ذُرِّيَّةْ عِيسُو.
أَوْلَادْ أَلِفَازْ بِكِرْ عِيسُو،
هُمَّنْ تَيْمَانْ وَ أُمَارْ وَ صَافِي وَ قِنَازْ
١٦ وَ قُورَحْ وَ قَعْتَامْ وَ عَمَالِقْ.
وَ دَوْل شُيُوخْ ذُرِّيَّةْ أَلِفَازْ فِي بَلَدْ أَدَوْم الْمَرَقَوْا مِنْ عَادَةْ مَرِةْ عِيسُو.
١٧ وَ الشُّيُوخْ الْمَارْقِينْ مِنْ رَعُوِيلْ وِلَيْد عِيسُو،
هُمَّنْ نَحَتْ وَ زَارَحْ وَ شَمَّا وَ مِزَّا.
وَ دَوْل شُيُوخْ ذُرِّيَّةْ رَعُوِيلْ الْمَرَقَوْا مِنْ بَاسْمَتْ مَرِةْ عِيسُو وَ سَاكْنِينْ فِي بَلَدْ أَدَوْم.
١٨ وَ الشُّيُوخْ الْمَارْقِينْ مِنْ أُهُلِبَامَةْ بِنَيَّةْ عَنَى مَرِةْ عِيسُو،
هُمَّنْ يَعُوشْ وَ يَعْلَامْ وَ قُورَحْ.
١٩ وَ دَوْل بَسْ شُيُوخْ الْأَدَوْمِيِّينْ ذُرِّيَّةْ عِيسُو.
أوّل سُكّان بلد أَدَوْم
٢٠ وَ دَاهُو أَوْلَادْ سَعِيرْ الْحُورِي الْأَوَّلْ سَاكِنْ فِي بَلَدْ أَدَوْم،
هُمَّنْ لُوطَانْ وَ شُوبَالْ وَ صِبْعُونْ وَ عَانَى
٢١ وَ دِيشُونْ وَ إِصَرْ وَ دِيشَانْ.
وَ دَاهُو شُيُوخْ الْحُورِيِّينْ مِنْ ذُرِّيَّةْ سَعِيرْ السَّاكْنِينْ فِي بَلَدْ أَدَوْم.
٢٢ أَوْلَادْ لُوطَانْ هُمَّنْ حُورِي وَ هَيْمَامْ.
وَ أَخُتْ لُوطَانْ أُسُمْهَا تِمْنَاعَةْ.
٢٣ وَ أَوْلَادْ شُوبَالْ هُمَّنْ عَلْوَانْ وَ مَنَاحَتْ وَ عِبَالْ وَ شَفُو وَ أُنَامْ.
٢٤ وَ أَوْلَادْ صِبْعُونْ هُمَّنْ أَيَّا وَ عَانَى.
وَ عَانَى دَا بَسْ اللِّقِي عَيْن أَلْمِي الْحَامِي فِي الصَّحَرَاءْ وَكِتْ قَاعِدْ يَسْرَحْ بِحَمِيرْ هَنَا أَبُوهْ صِبْعُونْ.
٢٥ وَ عِيَالْ عَانَى هُمَّنْ دِيشُونْ وَ بِنَيِّتَهْ أُهُلِبَامَةْ.
٢٦ وَ أَوْلَادْ دِيشُونْ هُمَّنْ حَمْدَانْ وَ أَشْبَانْ وَ يِتْرَانْ وَ كَرَانْ.
٢٧ وَ أَوْلَادْ إِصَرْ هُمَّنْ بِلْهَانْ وَ زَعْوَانْ وَ عَقَانْ.
٢٨ وَ أَوْلَادْ دِيشَانْ هُمَّنْ عُوصْ وَ أَرَانْ.
٢٩ وَ شُيُوخْ الْحُورِيِّينْ هُمَّنْ لُوطَانْ وَ شُوبَالْ وَ صِبْعُونْ وَ عَانَى
٣٠ وَ دِيشُونْ وَ إِصَرْ وَ دِيشَانْ.
دَوْل شُيُوخْ الْحُورِيِّينْ السَّاكْنِينْ فِي بَلَدْ سَعِيرْ.
مُلُك بلد أَدَوْم
٣١ وَ دَاهُو أَسَامَيْ الْمُلُوكْ الْحَكَمَوْا فِي بَلَدْ أَدَوْم قُبَّالْ أَيِّ مَلِكْ مَا يَحْكِمْ فِي بَنِي إِسْرَائِيلْ.
٣٢ بَالَعْ وِلَيْد بَعُورْ حَكَمْ فِي بَلَدْ أَدَوْم وَ أُسُمْ حِلِّتَهْ دِنْهَابَةْ.
٣٣ وَ بَالَعْ مَاتْ وَ يُبَابْ وِلَيْد زَارَحْ مِنْ حِلَّةْ بُصْرَةْ حَكَمْ فِي بَدَلَهْ.
٣٤ وَ يُبَابْ مَاتْ وَ حُشَامْ مِنْ بَلَدْ تَيْمَانْ حَكَمْ فِي بَدَلَهْ.
٣٥ وَ حُشَامْ مَاتْ وَ هَدَّادْ وِلَيْد بَدَادْ حَكَمْ فِي بَدَلَهْ.
وَ هُو بَسْ الْأَنَّصَرْ فِي قَبِيلَةْ مِدْيَانْ فِي بَلَدْ مُوَابْ وَ حِلِّتَهْ أُسُمْهَا عَوِيتْ.
٣٦ وَ هَدَّادْ مَاتْ وَ سَمْلَى مِنْ مَسْرِيقَةْ حَكَمْ فِي بَدَلَهْ.
٣٧ وَ سَمْلَى مَاتْ وَ شَاوُولْ مِنْ حِلَّةْ رَحُبُوتْ الْبَحَرْ حَكَمْ فِي بَدَلَهْ.
٣٨ وَ شَاوُولْ مَاتْ وَ بَعَلْ حَنَانْ وِلَيْد عَكْبُورْ حَكَمْ فِي بَدَلَهْ.
٣٩ وَ بَعَلْ حَنَانْ وِلَيْد عَكْبُورْ مَاتْ وَ هَدَارْ حَكَمْ فِي بَدَلَهْ وَ أُسُمْ حِلِّتَهْ فَاعُو.
وَ أُسُمْ مَرْتَهْ مَهِيطَبِيلْ بِنَيَّةْ مَطْرِدْ وَ هِي دِي بِنَيَّةْ مَيْدَهَبْ.
٤٠ وَ دَاهُو أَسَامَيْ هَنَا شُيُوخْ بَنِي عِيسُو عَلَيْ حَسَبْ قَبَايِلْهُمْ وَ أَسَامَيْ بُلْدَانْهُمْ.
هُمَّنْ
تِمْنَاعْ وَ عَلْوَى وَ يَتِيتْ
٤١ وَ أُهُلِبَامَةْ وَ إِيلَى وَ فِنُونْ
٤٢ وَ قِنَازْ وَ تَيْمَانْ وَ مِبْصَارْ
٤٣ وَ مَقْدِيِيلْ وَ عِرَامْ.
وَ دَوْل هُمَّنْ شُيُوخْ بَلَدْ أَدَوْم عَلَيْ حَسَبْ مَسْكَنْهُمْ فِي الْبَلَدْ الْحَكَمَوْهَا.
وَ كُلُّهُمْ مِنْ ذُرِّيَّةْ عِيسُو جِدّ الْأَدَوْمِيِّينْ.