Ʉweegu saga wuhwanziwa mu shibhanza
5
Lyoli ɨnongwa zyʉmvwɨshe aje,
huliimwɨ huli ʉweegu.
Ʉweegu ʉwo saga wulɨnjɨle aloleshe hwope hwa bhantu bha saga bhamʼmɨɨnye ʉNgʉlʉbhɨ.
Ɨnʉmvwɨzye huje ʉmuntu ʉmo abhembuha nʉ nʼshɨ wa yise waakwe.
2 Yeenu amwɨ muhwibaada?
Hwashi nkashele mwazugumilaga na humʼmwefwe paahati yeenyu ʉmuntu ʉyo abhomba ɨgo!
3 Anɨ hwope nkashele saga ɨndi peeka naamwɨ shimʼbɨlɨ,
lyoli ʉmwoyo gwanɨ guli peeka naamwɨ.
Nantele,
nanshi huje ɨndi ʉhwo shinsɨɨbho,
ɨnʼnonjile nzɨɨla ʉmuntu ʉyo abhombile ɨlyo.
4 Hu habhaazyo ɨho mubhʉngaana hwi‑itaawa lya Mwɨnɨ weetu ʉYeesu,
gwope ʉmwoyo gwanɨ gubha peeka naamwɨ,
ni‑ikhone lya Mwɨnɨ weetu ʉYeesu libha peeka naamwɨ.
5 Ɨpo munʼneshe ʉmuntu ʉyo mu nyoobhe zya Seetano,
a huje ʉmʼbɨlɨ gwakwe guyɨmbe,
huje wope ahafyʉlwe pi‑isiku ɨlya‑aweele ʉMwɨnɨ ʉYeesu.
6 Amashento geenyu saga gahwanziwa.
Bhasi,
saga mumɨɨnye huje ʉsafu ʉdoodo lwene wududula ɨshikhando shonti?
7 Ɨpo mubhanje muhwizelufya hwi‑idala ɨlya humʼmwefwe ʉmuntu ʉmʼmiibhi paahati yeenyu.
Abhombe ɨsho hulɨngaana nanshi ahwefwe ʉsafu ʉwɨ mandɨ.
Ɨpo munza‑abhe bhantu bhapya nanshi ɨshikhando ɨshɨ bhusu ʉpya wa saga wuli nʉ safu.
Ɨsho sha shɨɨsho muli,
pɨpo ʉNgʉlʉbhɨ ahamʼfumiizye ʉKilisiti huje abhe nsangub nanshi ɨnyaana ngoolec ɨyɨ Paasaka.
d Hwi‑idala ɨlyo ahatifyʉla.
8 Ɨshi,
tileshe ahwanje ɨshikulukulu ɨshɨ Paasaka hu safu ʉwɨ mandɨ,
hwa huje hu mbiibhi ɨzyɨ waaji nʉ waaji,
lyoli tangaje hu ntogito zya saga zili nʉ safu,
e hwa huje hu mwoyo ʉnʼzelu nɨ lyoli.
9 Mu kalaata ɨyo nahabhasimbiiye,
nahabhabhʉzɨɨzye huje,
muleshe abhe nʉ lwʉmvwano na bheegu.
10 Saga huje nahayanjile aje muleshe abhe nʉ lwʉmvwano nɨ‑ɨbho saga bhooziwa ɨbho bheegu,
bhiimi,
bhankoonya,
hwope ɨbho bhapuuta abhangʉlʉbhɨ,
pɨpo abhombe ɨsho hwɨnzaga hubhakhondele amwɨ asogole mu nsi ɨnɨ.
11 Lyoli nahabhasimbiiye huje,
muleshe abhe nʉ lwʉmvwano nʉ muntu wowonti ʉyo ahwikwizya mwoziwa nanshi amwɨ leelo mwegu,
awe mwimi,
awe hwope ʉyo apuuta abhangʉlʉbhɨ,
awe wa‑aliga,
awe mʼmwezi,
awe nʼkoonya.
Ʉmuntu nanshi ʉyo,
muleshe hwope alye nawo.
12-13 Wɨlɨ,
mbombo yaanɨ hubhalonje ɨbho saga bhooziwa?
ɄNgʉlʉbhɨ ya yʉʉyo ahubhalonga abhantu ɨbho saga bhahumʼmwɨtɨha.
Wɨlɨ,
amwɨ saga mukhondɨɨye hubhalonje abhooziwa ɨbho bhali mu shibhanza?
Ɨgo gali nanshi ɨsho ɨsimbwilwe mu Nsimbo ɨMfinjile huje,
“Ʉmuntu ʉmʼmiibhi paahati yeenyu nʼshɨmbɨzyaji.”f