Ɓi kahan Tera, baab ɓi Ibrahiima.
11
27 Inii weɗ naandsuku ŋ Tera na ɓi rimkoh nga ɗe ; Tera a yi baabiŋ Ibrama na Nahor na Haaraan yi rim Loot. 28 Haaraan yeem a kaanoh kur ɓa, ŋ kur ka na woyse Uur ŋ Babilon, raak baab ɓa peseeɗa. 29 Ɓiti Ibram teeksee Saraayb, yiŋ Nahor nikka Milka, kuɓkiŋ Haaraan. Haaraan a yi namee nik baab ɓi Iska. 30 Waaye, Saraay mineeɗi raak kuɓu, a jaasire jaasir.31 Wa raakka mbeh, Tera kurkohha kur ka na woyse Uur ŋ Babilon a toorkeeɗa Kanaan. A ɓayndohha kuɓkiŋ ɗe Ibram, na setiŋ ɗe Loot kuɓkiŋ Haaraan. A nammba ɓayndoh payum ce Saraay ɓiti Ibram. Ɓa kaɗoh kaɗoh po ŋ waas, ŋ kur ka na woyse Haaraan, ɓa yippa nga. 32 Tera kaanohha ndaam raak ɗe pesiɗ kiis teemet kanak na kiis yatuus (205).