Bbaruha gya Pau̱lo hali
Bakolosaayi
Kwanjuura
Bbaruha gigi gya Bakolosaayi gyahandi̱i̱ki̱i̱rwe Pau̱lo, mukwenda wa Yesu̱ Ku̱ri̱si̱to harabi̱ri̱ho myaka 60 Yesu̱ Ku̱ri̱si̱to amaari̱ kubyalwa (1:1). Yaagi̱handi̱i̱ki̱ri̱ naali munyankomo mu Rooma. Pau̱lo atakatandi̱ki̱sye kitebe kya beikiriza kya Kolosaayi bei̱tu̱ kyadoori̱ hakubbaho kuruga mu mulimo gwamwe guyaali akoori̱ mu rub̯uga lwʼEfeeso, lunyakubba lu̱hereeri̱ Kolosaayi. Mu b̯uheereza b̯wamwe b̯wʼEfeeso, musigazi gibakweta Epafura yei̱ki̱ri̱ri̱ze mu Ku̱ri̱si̱to. Yogwo musigazi, yaatweri̱ b̯ukwenda b̯wa Yesu̱ Ku̱ri̱si̱to mu rub̯uga lwa Kolosaayi. B̯u̱yaagi̱handi̱i̱ki̱ri̱, yaagi̱tu̱mi̱ri̱ Ti̱ki̱ko yooyo agitwale Kolosaayi, kubba yo Pau̱lo yaali atakadwangayo.
Pau̱lo yaahandi̱i̱ki̱ri̱ bbaruha gigi mwa ku̱terekereerya beikiriza ba Ku̱ri̱si̱to ba Kolosaayi. Mu kitebe ki̱kyo haali hei̱zi̱ri̱mwona nzegesya gya b̯u̱gobya gitali ha mu̱si̱nge gwa kigambu kya Ruhanga, ginyakubba nigikutoola bantu ha kuhondera Ku̱ri̱si̱to, nigikubata ha kuhondera nzegesya gya bantu na biragiro bya Bayudaaya. Gi̱gyo nzegesya gyali gi̱heneeri̱ kwikiriza kwab̯u kubaalingi nakwo mu b̯waruhanga b̯wa Ku̱ri̱si̱to. Ku̱ri̱si̱to ali Ruhanga mu kusisana kwa muntu, ali mu̱hangi̱, yooyo asoboresya bintu byensei̱ kwicala nibili hamwei̱, yooyo Mukama wa kitebe kya beikiriza kandi de yooyo mu̱ju̱ni̱ munyakutaho b̯u̱mwei̱ hakati̱ gya bantu na Ruhanga. Kujunwa kwicala muli yo hasa.
Bicweka Bi̱handu̱ bya mu kiki Kitabbu nka Ku̱bi̱honderegeeni̱
(i) Bi̱ramu̱kyo 1:1-2
(ii) Pau̱lo nagaana nzegesya gya b̯u̱gobya 1:3—3:4
(iii) Pau̱lo ni̱yeegesya beikiriza ba Yesu̱ nka kubakusemeera kwicalanga 3:5—4:6
(iv) Bi̱ramu̱kyo byakumaliira 4:7-18