Labengro liil
A
Abel O Adameskro tchawo. Leskro phraal his o Kain.
Achaja Kowa his i tikno Remarjengro them an ko them, hoi kharella kau diwes grichtikro them.
Agrippa II Kowa his o tchawo o Herodes Agrippestar I. I Berenike un i Drusilla his leskre phenja. Job his i baro rai an o them Libanon an kol bersha 50 bis 94. Job his o Felixeskri romjakro phraal.
Aloe I Aloe hi i senlepen. Dran leskre patria was i pani kerdo, hoi mishto sungella. I bibolde lan i Aloe khetne i Myrrhe te kran le kutch djet. Ko kutch djeteha makan le i mulen dren.
Aramtikro rakepen (Gadjkenes: Aramäisch) Kau rakepen rakran bud bibolde an o Jesuseskro tsiro an o them Israel.
Areopag I tikni berga an o foro Athen. Kate wan i foreskre tchatchepangre khetne, te rakran le pral pengro patsepen un goswepen. Kote rakras ninna o Paulo i baro rakepen (dik: Bitchepangre 17:16-34).
Aretas Kowa his i baro rai an o them Nabatea, hoi pash o foro Damaskus tchiddo hi.
Aron O Aron his o Moseskro phraal un o ersto baro rashai pash i Israelitarja. Job was kol menshendar, kolengro dad o Levi his.
Artemis I Artemis his i grichtikri debletsa. Lakro lataintikro lab his Diana. I Artemis an o foro Efesus was sharedo bud menshendar (dik: Bitchepangre 19:23-28).
Asia Kowa hi kau diwes o them Türkei.
Augusto Leskro lab hi ninna Gajus Octavius. Kowa his i baro rai pral i tsele Remarjengre themma an kol bersha 27 glan o Jesus Kristo bis 14 pal o Jesus Kristo.