ⵢⵓⵡⵉⵍ 3

ⴰⵙⴼⴰⵔⵔⴻⵖ ⵏ ⴰⵔⵔⵓⵃ ⵏ ⴰⵔⴻⴱⴱⵉ ⴷ ⵍⴻⵄⵍⴰⵎⴰⵜ ⵏ ⵡⴰⵙⵙ ⵏ ⵙⵉⴷⵉ

1 “ⴰⵡⴰⵔⵏⵉ ⵓⵢⴰ ⴰⴷ ⵉⵎⵙⴰⵔ, ⴰⵇⴰ ⵏⴻⵛⵛ ⴰⴷ ⵥⴻⴵⵄⴻⵖ ⴰⵔⵔⵓⵃ ⵉⵏⵓ ⵅ ⵎⴰⵔⵔⴰ ⴱⵏⴰⴷⴻⵎ ⵓ ⵉⵃⴻⵏⵊⵉⵔⴻⵏ ⵏⵡⴻⵎ ⴷ ⵢⴻⵙⵙⵉⵜⵡⴻⵎ ⴰⴷ ⵏⴻⴱⴱⴰⵏ, ⵉⵡⴻⵙⵙⵓⵔⴰ ⵏⵡⴻⵎ ⴰⴷ ⵓⵔⵊⴰⵏ ⵜⵉⵔⵊⴰ ⵓ ⵉⵃⵓⴷⵔⵉⵢⵢⴻⵏ ⵏⵡⴻⵎ ⴰⴷ ⵥⴰⵔⴻⵏ ⵜⵉⵎⴻⵥⵔⵉⵡⵉⵏ.    2 ⴷⴻⴳ ⵡⵓⵙⵙⴰⵏ ⵏⵏⵉ ⵏⴻⵛⵛ ⴰⴷ ⴼⴰⵔⵔⵖⴻⵖ ⴰⵔⵔⵓⵃ ⵉⵏⵓ ⵓⵍⴰ ⵅ ⵉⵙⴻⵎⵖⴰⵏ ⵓ ⵅ ⵜⵉⵢⵢⴰ. 3 ⵏⴻⵛⵛ ⴰⴷ ⴳⴳⴻⵖ ⵍⵎⵓⵄⵊⵉⵥⴰⵜ ⴷⴻⴳ ⵉⵊⴻⵏⵡⴰⵏ ⵓ ⵅ ⵜⴻⵎⵎⵓⵔⵜ: ⵉⴷⴰⵎⵎⴻⵏ ⴷ ⵜⵎⴻⵙⵙⵉ ⴷ ⵉⵇⴻⵍⵍⵉⵊⴻⵏ ⵏ ⴷⴷⴻⵅⵅⴰⵏ. 4 ⵜⴰⴼⵓⵛⵜ ⴰⴷ ⵜⴻⴷⵡⴻⵍ ⴷ ⵜⴰⴵⴻⵙⵜ, ⵓ ⵜⴰⵥⵉⵔⵉ ⴰⴷ ⵜⴻⴷⵡⴻⵍ ⴷ ⵉⴷⴰⵎⵎⴻⵏ ⵇⴱⴻⵍ ⵎⴰ ⵉ ⴷⴷ ⵖⴰ ⵢⴰⵙ ⵡⴰⵙⵙ ⴰⵎⴻⵇⵇⵔⴰⵏ ⴷ ⵉⵙⵙⵉⴳⴳⵯⵉⴷⴻⵏ ⵏ ⵙⵉⴷⵉ.    5 ⴰⴷ ⵉⵎⵙⴰⵔ ⴰⵇⴰ ⴽⵓⵍ ⵉⵊⵊ ⵡⴻⵏⵏⵉ ⵉ ⵖⴰ ⵉⵍⴰⵖⴰⵏ ⵉⵙⴻⵎ ⵏ ⵙⵉⴷⵉ ⴰⴷ ⵉⵏⵏⵊⴻⵎ, ⵎⴰⵖⴰⵔ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ ⵓ ⴷⵉ ⵓⵔⵛⴰⵍⵉⵎ ⴰⴷ ⴷⵉⵏ ⵢⵉⵍⵉ ⵎⵉⵏ ⵉⵏⵏⴻⵊⵎⴻⵏ, ⴰⵎ ⵎⴰⵎⵎⴻⵛ ⵉⵏⵏⴰ ⵙⵉⴷⵉ, ⵉⵏⵏⵉ ⵉⵇⵇⵉⵎⴻⵏ ⵉ ⵅⴻⴼ ⵖⴰ ⵉⵍⴰⵖⴰ ⵙⵉⴷⵉ.”