ⵜⴰⵍⴰⵖⵉⵜ ⵏ ⴰⵔⴻⴱⴱⵉ ⵅ ⵃⵉⵥⵇⵉⵢⴰⵍ
2
1 ⵉⵏⵏⴰ ⴰⵢⵉ: “ⴰ ⵎⵎⵉⵙ ⵏ ⴱⵏⴰⴷⴻⵎ, ⴽⴽⴰⵔ ⵅ ⵉⴹⴰⵔⴻⵏ ⵏⵏⴻⴽ, ⵓⵛⴰ ⵏⴻⵛⵛ ⴰⴷ ⴽⵉⴽ ⵙⵙⵉⵡⵍⴻⵖ.” 2 ⵍⴰⵎⵉ ⴰⴽⵉⴷⵉ ⵉⵙⵙⵉⵡⴻⵍ, ⵢⵓⴷⴻⴼ-ⴷⴷ ⴷⴰⵢⵉ ⴰⵔⵔⵓⵃ ⵓⵛⴰ ⵉⵙⵙⴻⴽⴽⴰⵔ-ⴷⴷ ⴰⵢⵉ ⵅ ⵉⴹⴰⵔⴻⵏ ⵉⵏⵓ ⵓ ⵏⴻⵛⵛ ⵙⵍⵉⵖ ⵉ ⵜⵎⵉⵊⵊⴰ ⵏ ⵡⴻⵏⵏⵉ ⴽⵉⴷⵉ ⵉⵙⵙⴰⵡⴰⵍⴻⵏ. ■ 3 ⵏⴻⵜⵜⴰ ⵉⵏⵏⴰ ⴰⵢⵉ: “ⴰ ⵎⵎⵉⵙ ⵏ ⴱⵏⴰⴷⴻⵎ, ⵏⴻⵛⵛ ⵙⴻⴽⴽⴻⵖ ⵛⴻⴽ ⵖⴰⵔ ⴰⵢⵜ ⵏ ⵉⵙⵔⴰⵉⵍ, ⵖⴰⵔ ⵍⴻⴳⵏⵓⵙ ⵉⵖⴻⵡⵡⵖⴻⵏ, ⵉⵏⵏⵉ ⵅⴰⴼⵉ ⵉⵖⴻⵡⵡⵖⴻⵏ. ⵏⵉⵜⵏⵉ ⴷ ⵍⴻⵊⴷⵓⴷ ⵏⵙⴻⵏ ⵄⴻⴷⴷⴰⵏ ⵅⴰⴼⵉ ⴰⵍ ⴰⵙⵙ-ⴰ. ■ 4 ⵏⵉⵜⵏⵉ ⴷ ⴰⵔⵔⴰⵡ ⵏ ⵡⵓⴷⴻⵎ ⵉⴼⴰⵔⵖⴻⵏ ⴷ ⵡⵓⵍ ⵉⵇⴻⵙⵃⴻⵏ. ⵏⴻⵛⵛ ⵙⴻⴽⴽⴻⵖ ⵛⴻⴽ ⵖⴰⵔⵙⴻⵏ, ⵉⵜⵜⵅⴻⵚⵚⴰ ⴰⵛ ⴰⴷ ⴰⵙⴻⵏ ⵜⵉⵏⵉⴷ: ‘ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ!’ 5 ⵅⴻⵏⵏⵉ ⵎⴰ ⴰⴷ ⴰⵛ ⵙⵍⴻⵏ ⵏⵉⵖ ⴰⴷ ⵙⴻⵎⵃⴻⵏ ⴷⵉ ⵎⴰⵏ ⴰⵢⴰ, ⵎⵉⵏⵥⵉ ⵏⵉⵜⵏⵉ ⴷ ⵉⵛⵜ ⵏ ⵜⴰⴷⴷⴰⵔⵜ ⵉⵖⴻⵡⵡⵖⴻⵏ, ⵏⵉⵜⵏⵉ ⴰⴷ ⵙⵙⵏⴻⵏ ⴱⴻⵍⵍⵉ ⵜⵓⵖⴰ ⴰⵏⴰⴱⵉ ⴷⵉ ⵍⵡⴻⵙⵜ ⵏⵙⴻⵏ. ■ 6 ⵓⵛⴰ ⵛⴻⴽ, ⴰ ⵎⵎⵉⵙ ⵏ ⴱⵏⴰⴷⴻⵎ, ⵡⴰⵔ ⵥⵥⴰⵢⵙⴻⵏ ⵜⵜⴻⴳⴳⵯⴻⴷ ⵓ ⵡⴰⵔ ⵜⵜⴻⴳⴳⵯⴻⴷ ⵓⵍⴰ ⵥⴻⴳ ⵡⴰⵡⴰⵍⴻⵏ ⵏⵙⴻⵏ. ⵡⴰⵅⵅⴰ ⴰⵇⴰ ⴷⵉⵏ ⵖⴰⵔⴻⴽ ⵜⵉⵥⴻⴳⴳⵯⵓⵔⴰ ⴷ ⵉⵙⴻⵏⵏⴰⵏⴻⵏ ⵓ ⵡⴰⵅⵅⴰ ⵥⴻⴷⴷⵖⴻⵏⵜ ⵖⴰⵔⴻⴽ ⵜⵖⴰⵔⴹⵎⵉⵡⵉⵏ, ⵡⴰⵔ ⵜⵜⴻⴳⴳⵯⴻⴷ ⵛⴰ ⵥⴻⴳ ⵡⴰⵡⴰⵍⴻⵏ ⵏⵙⴻⵏ ⵓ ⵡⴰⵔ ⵥⵥⴰⵢⵙⴻⵏ ⵜⵜⵏⴻⵅⵍⵉⵄ, ⵎⵉⵏⵥⵉ ⵏⵉⵜⵏⵉ ⴷ ⵉⵛⵜ ⵏ ⵜⴰⴷⴷⴰⵔⵜ ⵉⵖⴻⵡⵡⵖⴻⵏ. ■ 7 ⴰⴷ ⴽⵉⴷⵙⴻⵏ ⵜⴻⵙⵙⵉⵡⵍⴻⴷ ⵙ ⵡⴰⵡⴰⵍⴻⵏ ⵉⵏⵓ, ⵎⴰ ⴰⴷ ⵙⵍⴻⵏ ⵏⵉⵖ ⴰⴷ ⵙⴻⵎⵃⴻⵏ ⴷⵉ ⵎⴰⵏ ⴰⵢⴰ, ⵎⵉⵏⵥⵉ ⵏⵉⵜⵏⵉ ⴰⵇⴰ ⵜⵜⵖⴻⵡⵡⵖⴻⵏ. 8 ⵎⴰⵛⴰ ⵛⴻⴽ, ⴰ ⵎⵎⵉⵙ ⵏ ⴱⵏⴰⴷⴻⵎ, ⵙⴻⵍ ⵎⵉⵏ ⴷ ⴰⵛ ⵖⴰ ⵉⵏⵉⵖ, ⵡⴰⵔ ⵜⵜⵖⴻⵡⵡⵉⵖ ⴰⵎⴻⵛⵏⴰⵡ ⵜⴰⴷⴷⴰⵔⵜ ⵏⵏⵉ ⵉⵖⴻⵡⵡⵖⴻⵏ. ⴰⵔⵥⴻⵎ ⴰⵇⴻⵎⵎⵓⵎ ⵏⵏⴻⴽ ⵏⵉⵛⴰⵏ ⵓⵛⴰ ⴻⵛⵛ ⵎⵉⵏ ⴷ ⴰⵛ ⵖⴰ ⵡⵛⴻⵖ.” ■
9 ⵓⵛⴰ ⵅⴻⵏⵏⵉ ⵥⵔⵉⵖ, ⵅⵥⴰⵔ, ⵉⵊⵊ ⵏ ⵓⴼⵓⵙ ⵉⵙⵙⵡⵉⵥⵥⴻⴹ-ⴷⴷ ⵖⴰⵔⵉ, ⵓ ⵅⵥⴰⵔ, ⴷⴰⵢⴻⵙ ⵉⵊⵊ ⵏ ⵡⴻⴷⵍⵉⵙ ⵉⵜⵜⵡⴰⵏⵏⴹⴻⵏ.
10 ⵏⴻⵜⵜⴰ ⵉⴱⴻⵥⵥⴻⵄ ⵉ-ⵜ ⵥⵥⴰⵜⵉ. ⵜⵓⵖⴰ ⵢⵓⵔⴰ ⵥⵉ ⵙⴻⵏⵏⴻⵊ ⴷ ⵡⴰⴷⴷⴰⵢ ⵓⵛⴰ ⵜⵜⵡⴰⵔⵉⵏ ⴷⴰⵢⴻⵙ ⵉⵥⵍⴰⵏ ⵏ ⵡⴻⵛⴹⴰⵏ ⴷ ⵓⵙⵇⵉⵏⵏⴻⴼ ⴷ ⵓⵡⴻⵃⵡⴻⵃ ⵏ ⵜⴰⵎⴰⵔⴰ.”