ⵉⵥⵍⵉ ⵅ ⵉⵥⵍⴰⵏ 3

ⵎⵎⴻⵥⵍⵉ ⵏ ⵜⴻⵙⵍⵉⵜ ⵉ ⵢⴻⵙⵍⵉ

1 “ⴰⵔⵣⵓⵖ ⵅⴰⵙ ⴷⵉ ⴵⵢⴰⵍⵉ

ⴰⵎ ⴵⵉⵖ ⵅ ⵜⴰⵙⵙⵓⵜ ⵉⵏⵓ,

ⴰⵔⵣⵓⵖ ⵅ ⵡⴻⵏⵏⵉ ⵉⵜⵜⴻⵅⵙ ⵍⴻⵄⵎⴰⵔ ⵉⵏⵓ.

ⵏⴻⵛⵛ ⴰⵔⵣⵓⵖ ⵅⴰⵙ,

ⵎⴰⵛⴰ ⵏⴻⵛⵛ ⵡⴰⵔ ⵜ ⵓⴼⵉⵖ.

2 ⵏⴻⵛⵛ ⵏⵏⵉⵖ: ‘ⴰⴷ ⴽⴽⴰⵔⴻⵖ,

ⴰⴷ ⵙⵓⵃⴻⵖ ⴷⵉ ⵜⴻⵏⴷⵉⵏⵜ,

ⴷⴻⴳ ⵉⴱⵔⵉⴷⴻⵏ ⵓ ⵅ ⵡⴰⵣⵣⴰⵢⴻⵏ.

ⵏⴻⵛⵛ ⴰⴷ ⵅⴰⵙ ⴰⵔⵣⵓⵖ, \add ⴰⴷ ⴰⵔⵣⵓⵖ

ⵅ\add* ⵡⴻⵏⵏⵉ ⵉⵜⵜⴻⵅⵙ ⵍⴻⵄⵎⴰⵔ ⵉⵏⵓ.’

ⵏⴻⵛⵛ ⴰⵔⵣⵓⵖ ⵅⴰⵙ, ⵎⴰⵛⴰ ⵡⴰⵔ ⵜ ⵓⴼⵉⵖ.

3 ⵓⴼⵉⵏ ⴰⵢⵉ ⵉⵄⴻⵙⵙⴰⵙⴻⵏ

ⴰⵎ ⵜⵜⴻⵏⵏⴹⴻⵏ ⴷⵉ ⵜⴻⵏⴷⵉⵏⵜ.

ⵏⴻⵛⵛ ⵏⵏⵉⵖ: ‘ⵎⴰ ⵜⴻⵥⵔⵉⵎ ⴽⴻⵏⵏⵉⵡ

ⵡⴻⵏⵏⵉ ⵉⵜⵜⴻⵅⵙⴻⵏ ⵍⴻⵄⵎⴰⵔ ⵉⵏⵓ?’

4 ⵍⴰⵎⵉ ⵜⵓⵖⴰ ⵄⴰⴷ ⵡⴰⵔ ⵅⴰⵙⴻⵏ ⵄⴷⵓⵖ, ⵓⴼⵉⵖ ⵜ,

ⵡⴻⵏⵏⵉ ⵉⵜⵜⴻⵅⵙⴻⵏ ⵍⴻⵄⵎⴰⵔ ⵉⵏⵓ.

ⵏⴻⵛⵛ ⵟⵟⴼⴻⵖ ⵜ, ⵡⴰⵔ ⵣⵣⴰⵢⴻⵙ ⴰⵔⴻⵅⵅⵓⵖ

ⴰⵍⴰⵎⵉ ⵜ-ⵉ-ⴷⴷ-ⵉⵡⵢⴻⵖ

ⵖⴰⵔ ⵜⴰⴷⴷⴰⵔⵜ ⵏ ⵢⴻⵎⵎⴰ,

ⴷⴻⴳ ⵡⴻⵅⵅⴰⵎ ⵏ ⴷⴰⵅⴻⵍ

ⵏ ⵜⴻⵏⵏⵉ ⵉ ⴷⴷ ⴰⵢⵉ ⵢⵓⵔⵡⴻⵏ.

5 ⵏⴻⵛⵛ ⴰⴷ ⴽⴻⵏⵏⵉⵏⵜ ⵙⵙⵊⴰⴵⴰⵖ,

ⴰ ⵢⴻⵙⵙⵉⵙ ⵏ ⵓⵔⵛⴰⵍⵉⵎ,

ⵖⴰⵔ ⵜⵖⴰⵢⴹⵉⵏ ⵏ ⵡⴻⵣⵖⴰⵔ

ⵓ ⵖⴰⵔ ⵜⵓⴷⴰⴷⵉⵏ ⴷⴻⴳ ⵉⵢⵢⴰⵔⴻⵏ,

ⴰⵇⴰ ⴽⴻⵏⵏⵉⵏⵜ ⵡⴰⵔ ⵀⴻⴽⴽⵡⵍⴻⵏⵜ ⵜⴰⵢⵔⵉ,

ⵡⴰⵔ ⵜⵜ-ⵉ-ⴷⴷ-ⵙⵙⴻⴽⴽⴰⵔⴰⵏⵜ

ⴰⵍ ⵜᵉⵜⵜⴻⵅⵙ ⵙⵉⵎⴰⵏⵜ ⵏⵏⴻⵙ.”

ⵜⴰⵡⴰⵙⵉⵜ ⵏ ⴽⵓⵍⴰ ⴰⴽ-ⴷ ⵢⴻⵙⵍⵉ ⵉ ⵍⴻⵎⵍⴰⵛ

6 “ⵎⵉⵏ ⵜⴻⵄⵏⴰ ⵜⴻⵏⵏⵉ ⵉ ⴷⴷ-ⵉⴳⴻⵄⵄⴷⴻⵏ ⵣⵉ ⵍⴻⵅⵍⴰ,

ⴰⵎ ⵉⵇⴻⵍⵍⵉⵊⴻⵏ ⵏ ⴷⴷⴻⵅⵅⴰⵏ,

ⴷⴻⴳ ⵉⵊⵊ ⵏ ⵓⵙⴻⵢⵏⵓ ⵏ ⵎⵉⵔⵔⵓ ⴷ ⵊⵊⴰⵡⵉ,

ⵏ ⵎⴰⵔⵔⴰ ⵍⴻⴱⵣⴰⵔ ⵉⵜⵜⴼⵓⵃⴻⵏ ⵏ ⵓⵙⴻⴱⴱⴰⴱ?   

7 ⵅⵣⴰⵔ, ⵍⴻⵛⵜⵓ ⵏ ⵜⵔⴻⴱⴱⵓⵜ ⵏ ⵙⵓⵍⵉⵎⴰⵏ,

ⵜⵜⴻⵏⵏⴹⴻⵏ ⴰⵙ-ⴷⴷ ⵙⴻⵜⵜⵉⵏ ⵏ ⴰⵢⵜ ⵏ ⴱⵓ-ⵜⴻⵖⵔⵓⴹⵜ,

ⵣⴻⴳ ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵏ ⵉⵙⵔⴰⵉⵍ,

8 ⵎⴰⵔⵔⴰ ⵉⵏⵏⵉ ⵉⵜⵜⴻⵟⵟⴼⴻⵏ ⵙⵙⵉⴼ,

ⵉⵏⵏⵉ ⵉⵍⴻⵎⵎⴷⴻⵏ ⴰⵎⴻⵏⵖⵉ,

ⴽⵓⵍ ⵉⵊⵊ ⵙ ⵙⵙⵉⴼ ⵏⵏⴻⵙ ⵖⴰⵔ ⵜⵎⴻⵚⵚⴰⴹⵜ ⵏⵏⴻⵙ

ⵣⵉ ⵙⵙⵉⴱⴱⴻⵜ ⵏ ⵎⵉⵏ ⵉⵙⵙⴰⴳⴳⵯⴰⴷⴻⵏ ⴷⵉ ⴵⵉⵍⴻⵜ.

9 ⴰⵊⴻⴵⵉⴷ ⵙⵓⵍⵉⵎⴰⵏ ⵉⴳⴳⴰ ⵉ ⵢⵉⵅⴻⴼ ⵏⵏⴻⵙ

ⵉⵊⵊ ⵏ ⵍⴻⵛⵜⵓ ⵉ ⵜⵔⴻⴱⴱⵓⵜ ⵙ ⵓⴽⴻⵛⵛⵓⴹ ⵏ ⵍⵓⴱⵏⴰⵏ.

10 ⵉⵄⵓⵎⴰⴷ ⵖⴰⵔ ⵜⴻⵖⵎⴰⵔⵜ

ⵉⴳⴳⴰ ⵉ-ⵜⴻⵏ ⵙ ⵏⵏⵓⵇⴰⵔⵜ,

ⴰⵄⴻⵎⵎⴻⴷ ⵏ ⵡⴻⵄⵔⵓⵔ ⵏ ⵡⵓⵔⴻⵖ

ⵓⵛⴰ ⴰⵖⵉⵎⵉ ⵏⵏⴻⵙ ⵏ ⴰⵔⵊⵓⵡⴰⵏⵉ.

ⴷⴰⵅⴻⵍ ⵏⵏⴻⵙ ⵢⴰⵔⴹⴻⵏ ⵜ

ⵙ ⵜⴰⵢⵔⵉ ⵏ ⵢⴻⵙⵙⵉⵙ ⵏ ⵓⵔⵛⴰⵍⵉⵎ.”

11 “ⴼⴼⵖⴻⵏⵜ ⵓ ⵅⵣⴰⵔⴻⵏⵜ,

ⴽⴻⵏⵏⵉⵏⵜ ⵢⴻⵙⵙⵉⵙ ⵏ ⵚⵉⵀⵢⵓⵏ,

ⴰⵇⴰ ⴷⴰ ⴰⵊⴻⴵⵉⴷ ⵙⵓⵍⵉⵎⴰⵏ

ⴰⴽ-ⴷ ⵜⵜⴰⵊ ⵉ ⵣⵉ ⵜ ⵜⴳⴻⵍⵍⴻⴷ ⵢⴻⵎⵎⴰⵙ

ⴷⴻⴳ ⵡⴰⵙⵙ ⵏ ⵡⵓⵔⴰⵔ ⵏⵏⴻⵙ,

ⴷⴻⴳ ⵡⴰⵙⵙ ⵏ ⵍⴻⴼⵔⴰⵃⴻⵜ ⵢⵓⵥⵖⴻⵏ

ⴷⴻⴳ ⵡⵓⵍ ⵏⵏⴻⵙ.”