ⴰⵎⴱⴰⵔⵔⴻⵃ 11

ⵉⵅⴰⵔⵔⵉⵚⴻⵏ ⵡⴰⵔ ⵣⴻⵎⵎⴰⵔⴻⵏ ⴰⴷ ⴱⴻⴹⵍⴻⵏ ⵍⵅⴻⴷⵎⴻⵜ

1 ⵙⴻⴽⴽ ⴰⵖⵔⵓⵎ ⵏⵏⴻⵛ ⵜⵉⵡⴰ ⵉ ⵡⴰⵎⴰⵏ, ⵎⴰⵖⴰⵔ ⴰⵡⴰⵔⵏⵉ ⵉ ⴰⵟⵟⴰⵙ ⵏ ⵡⵓⵙⵙⴰⵏ ⴰⴷ ⵜ ⵜⴰⴼⴻⴷ ⵄⴰⵡⴻⴷ. 2 ⴱⴹⴰ ⵜ ⴷⵉ ⵙⴻⴱⵄⴰ ⵏⵉⵖ ⵄⴰⴷ ⴷⵉ ⵜⵎⴻⵏⵢⴰ, ⵎⴰⵖⴰⵔ ⵛⴻⴽ ⵡⴰⵔ ⵜⴻⵙⵙⵉⵏⴻⴷ ⵎⴰⵏ ⵍⵖⴰⵔ ⵉ ⵖⴰ ⵢⵉⵍⵉⵏ ⴷⵉ ⵜⴻⵎⵎⵓⵔⵜ.   

3 ⵎⴰⵍⴰ ⵛⵛⵓⵔⴻⵏ ⵉⵙⴻⵢⵏⵓⵜⴻⵏ, ⵜⵜⵣⴻⴵⴰⵄⴻⵏ ⴰⵏⵥⴰⵔ ⵅ ⵜⴻⵎⵎⵓⵔⵜ. ⵎⴰ ⵜⴰⵛⴻⵊⵊⴰⵔⵜ ⵜⴻⵡⴹⴰ ⵖⴰⵔ ⵍⵊⴰⵏⵓⴱ ⵏⵉⵖ ⵖⴰⵔ ⵛⵛⴰⵎⴰⵍ, ⴷⴻⴳ ⵡⴻⵎⵛⴰⵏ ⵎⴰⵏⵉ ⵜⴻⵡⴹⴰ, ⵜᵉⵜⵜⵖⵉⵎⴰ ⴷⵉⵏ ⵜⴻⵣⵣⴻⵍ.   

4 ⵡⴻⵏⵏⵉ ⵉⵅⴻⵣⵣⴰⵔⴻⵏ ⵍⴻⴱⴷⴰ ⵖⴰⵔ ⵓⵙⴻⵎⵎⵉⴹ, ⵡⴰⵔ ⵉⵜⵜⵉⵡⵉⴹ ⴰⴷ ⵉⵣⴰⵔⵄ, ⵡⴻⵏⵏⵉ ⵉⵃⴻⵟⵟⴰⵏ ⵍⴻⴱⴷⴰ ⵉⵙⴻⵢⵏⵓⵜⴻⵏ, ⵡⴰⵔ ⵉⵜⵜⵉⵡⵉⴹ ⴰⴷ ⵉⵎⵊⴰⵔ.

5 ⴰⵎ ⵎⴰⵎⵎⴻⵛ ⵛⴻⴽ ⵡⴰⵔ ⵜⴻⵙⵙⵉⵏⴻⴷ ⴰⴱⵔⵉⴷ ⵏ ⵓⵙⴻⵎⵎⵉⴹ, ⴰⵎⵎⵓ ⵉ ⵡⴰⵔ ⵜⴻⵙⵙⵉⵏⴻⴷ ⵓⵍⴰ ⵎⴰⵎⵎⴻⵛ ⵜⵜⵡⴰⴳⴳⴻⵏ ⵉⵖⵙⴰⵏ ⴷⴻⴳ ⵓⵄⴻⴷⴷⵉⵙ ⵏ ⵜⴻⵎⵖⴰⵔⵜ ⵙ ⴷⴷⴻⵢⵙⴻⵜ. ⴰⵎⵎⵓ ⵉ ⵡⴰⵔ ⵜⴻⵙⵙⵉⵏⴻⴷ ⵓⵍⴰ ⴷ ⵜⵎⴻⴳⴳⴰ ⵏ ⴰⵔⴻⴱⴱⵉ ⵡⴻⵏⵏⵉ ⵉⵜⵜⴻⴳⴳⴻⵏ ⵎⴰⵔⵔⴰ ⵎⵉⵏ ⵉⴵⴰⵏ.    6 ⵣⴰⵔⵄ ⵣⵣⴰⵔⵉⵄⴻⵜ ⵏⵏⴻⵛ ⵖⴰⵔ ⵜⵓⴼⴼⵓⵜ ⵓ ⵡⴰⵔ ⵜⵜⴻⴽⴽⴻⵙ ⴰⴼⵓⵙ ⵏⵏⴻⵛ ⵖⴰⵔ ⵜⵎⴻⴷⴷⵉⵜ, ⵎⴰⵖⴰⵔ ⵛⴻⴽ ⵡⴰⵔ ⵜⴻⵙⵙⵉⵏⴻⴷ ⵎⵉⵏ ⵉ ⵖⴰ ⵉⴼⵍⴻⵃ, ⵜⴰ ⵏⵉⵖ ⵜⴰ, ⵏⵉⵖ ⵄⴰⴷ ⵙ ⵜⵏⴰⵢⴻⵏ ⵉⴷⵙⴻⵏⵜ ⴰⴷ ⵉⵍⵉⵏⵜ ⵚⴻⴱⵃⴻⵏⵜ.

ⵅⴰⵔⵔⵉⵚ ⴷⵉ ⵜⴻⵎⵥⵉ ⵏⵏⴻⴽ ⴷⵉ ⵍⵃⵓⴽⵎ ⵏ ⴰⵔⴻⴱⴱⵉ

7 ⵜⴰⴼⴰⵡⵜ ⴷ ⵜⵎⵉⵥⵉⴷⵜ ⵓⵛⴰ ⵎⵍⵉⵃ ⵉ ⵜⵉⵟⵟⴰⵡⵉⵏ ⴰⴷ ⵥⴰⵔⴻⵏⵜ ⵜⴼⵓⵛⵜ. 8 ⵡⴰⵀ, ⵎⴰⵍⴰ ⴰⵔⵢⴰⵣ ⵉⴷⴷⴰⵔ ⴰⵟⵟⴰⵙ ⵏ ⵉⵙⴻⴳⴳⵯⵓⵙⴰ, ⴻⵊⵊ ⵉ-ⵜ ⴰⴷ ⵉⴼⴰⵔⵃ ⴷⵉ ⵎⴰⵔⵔⴰ ⵉⵙⴻⴳⴳⵯⵓⵙⴰ ⵏⵏⵉ, ⵓ ⴻⵊⵊ ⵉ-ⵜ ⴰⴷ ⵉⵄⵇⴻⵍ ⵄⴰⵡⴻⴷ, ⴰⵇⴰ ⵓⵙⵙⴰⵏ ⵉⴱⴰⵔⵛⴰⵏⴻⵏ ⴰⴷ ⵉⵍⵉⵏ ⴷⴻⴳ ⵡⴰⵟⵟⴰⵙ. ⵎⴰⵔⵔⴰ ⵎⵉⵏ ⵉ ⴷ ⵖⴰ ⵢⴰⵙⴻⵏ ⵄⴰⴷ, ⴰⵇⴰ-ⵜ ⴷⵉ ⵍⴱⴰⵟⴻⵍ.

9 ⴼⴰⵔⵃ, ⴰ ⵛⴻⴽ ⴰⵃⵓⴷⵔⵉ, ⴷⵉ ⵜⴻⵎⵥⵉ ⵏⵏⴻⵛ, ⵙⴼⴰⵔⵃ ⵓⵍ ⵏⵏⴻⵛ ⴷⴻⴳ ⵡⵓⵙⵙⴰⵏ ⵏ ⵜⴻⵎⵥⵉ ⵏⵏⴻⵛ. ⵓⵢⵓⵔ ⴷⴻⴳ ⵉⴱⵔⵉⴷⴻⵏ ⵏ ⵡⵓⵍ ⵏⵏⴻⵛ ⵓ ⴷⵉ ⵎⵉⵏ ⵜⵜⵡⴰⵍⴰⵏⵜ ⵜⵉⵟⵟⴰⵡⵉⵏ ⵏⵏⴻⵛ, ⵎⴰⵛⴰ ⵙⵙⴻⵏ ⴰⵇⴰ ⵙⵉⴷⵉ ⴰⴷ ⵛⴻⴽ ⵉⵙⵙⴻⴽⴽ ⵅ ⵎⴰⵔⵔⴰ ⴰⵢⴰ ⵉ ⵛⵛⵔⴻⵄ. 10 ⵙⵉⴳⴳⵯⴻⵊ ⵍⵀⴻⵎⵎ ⵅ ⵡⵓⵍ ⵏⵏⴻⵛ ⵓ ⵙⵃⴻⵢⵢⴻⴷ ⵍⵖⴰⵔ ⵅ ⴰⵔⵔⵉⵎⴻⵜ ⵏⵏⴻⵛ, ⵎⴰⵖⴰⵔ ⵜⴻⵎⵥⵉ ⴷ ⵍⵡⴻⵇⵜ ⵙ ⵓⵛⴻⵡⵡⴰⴼ ⴰⴱⴰⵔⵛⴰⵏ ⵏ ⵜⴻⵎⵥⵉ ⴰⵇⴰ ⴰⵜⴻⵏ ⴷⵉ ⵍⴱⴰⵟⴻⵍ.