ⴰⵡⴰⵍⴻⵏ ⵉⵡⴻⵥⵏⴻⵏ 18

1 ⵡⴻⵏⵏⵉ ⵉⵄⴻⵥⵥⵍⴻⵏ ⵉⵅⴻⴼ ⵏⵏⴻⵙ, ⵢⴰⵔⴻⵥⵥⵓ ⵅ ⵎⴻⵥⵔⵉ ⵏⵏⴻⵙ,

ⵏⴻⵜⵜⴰ ⵉⴷⴷⵓⵇⵇⵓⵥ ⵅ ⵎⴰⵔⵔⴰ ⵎⵉⵏ ⵉⵥⴻⵎⵎⴰⵔⴻⵏ ⴰⴷ ⵢⵉⵍⵉ ⴷ ⴰⴷⴻⴱⴱⴰⵔ.

2 ⴰⴱⵓⵀⴰⵍⵉ ⵡⴰⵔ ⴷ ⴰⵙ ⵜᵉⵜⵜⴻⵄⵊⵉⴱ ⵍⴻⴼⵀⴰⵎⴻⵜ,

ⵉⵜⵜⴻⵄⵊⵉⴱ ⴰⵙ ⵎⵖⵉⵔ ⴰⵄⴰⵔⵔⵉ ⵏ ⵡⵓⵍ ⵏⵏⴻⵙ.

3 ⵅⵎⵉ ⴷⴷ-ⵉⵜⵜⴰⴷⴻⴼ ⵓⵄⴻⴼⴼⴰⵏ, ⵉⵜⵜⴰⵙ-ⴷⴷ ⵓⵍⴰ ⴷ ⴰⵙⴻⵃⵇⴰⵔ,

ⵓ ⴰⴽ-ⴷ ⵍⴻⴼⴹⵉⵃⴻⵜ ⵉⵜⵜⴰⵙ-ⴷⴷ ⵍⵄⴰⵔ.

4 ⴰⵡⴰⵍⴻⵏ ⵥⴻⴳ ⵓⵇⴻⵎⵎⵓⵎ ⵏ ⵡⴻⵔⵢⴰⵥ ⴰⵎ ⵡⴰⵎⴰⵏ ⵢⵓⴵⵖⴻⵏ,

ⵉⵛⵜ ⵏ ⵜⵉⵖⵥⴰⵔⵜ ⵉⵜⵜⴰⵥⵥⵍⴻⵏ, ⵉⵊⵊ ⵏ ⵍⵄⵓⵏⵚⴰⵔ ⵏ ⵜⵉⵖⵉⵜ.

5 ⵡⴰⵔ ⵉⴵⵉ ⵛⴰ ⵎⵍⵉⵃ ⴰⴷ ⵜⴻⵙⵙⵄⵉⵥⵥⴻⴷ ⴰⵄⴻⴼⴼⴰⵏ,

ⵎⴰⵃⴻⵏⴷ ⴰⴷ ⵜⴻⵙⵙⵃⴻⵢⵢⴷⴻⴷ ⴰⵎⵙⴻⴳⴳⴻⴷ ⴷⵉ ⵛⵛⵔⴻⵄ.   

6 ⵉⵢⴻⵏⵛⵉⵛⴻⵏ ⵏ ⵓⴱⵓⵀⴰⵍⵉ ⵏⴻⴷⴷⵀⴻⵏ ⵜ ⵖⴰⵔ ⵓⵎⵛⴻⴱⴱⴻⵛ,

ⴰⵇⴻⵎⵎⵓⵎ ⵏⵏⴻⵙ ⵉⵜⵜⵍⴰⵖⴰ-ⴷⴷ ⵉ ⵡⴻⵄⵎⵓⴷ.

7 ⴰⵇⴻⵎⵎⵓⵎ ⵏ ⵓⴱⵓⵀⴰⵍⵉ ⴷ ⴰⵀⴻⵍⵍⴻⴽ ⵏⵏⴻⵙ,

ⵉⵢⴻⵏⵛⵉⵛⴻⵏ ⵏⵏⴻⵙ ⴷ ⵍⴼⴻⵅ ⵉ ⵍⴻⵄⵎⴰⵔ ⵏⵏⴻⵙ.   

8 ⴰⵡⴰⵍⴻⵏ ⵏ ⵉⵅⴱⴰⵔⵊⵉⵢⵢⴻⵏ ⴰⵎ ⵃⴰⵍⴰⵡⵉⵜ,

ⵀⴻⴽⴽⵡⴰⵏⵜ ⴷⴻⴳ ⵉⵅⵅⴰⵎⴻⵏ ⵏ ⴷⴰⵅⴻⵍ ⵏ ⵓⵄⴻⴷⴷⵉⵙ.   

9 ⵡⴻⵏⵏⵉ ⵉⴵⴰⵏ ⴷ ⴰⵎⴰⵔⵅⵓ ⴷⵉ ⵍⵅⴻⴷⵎⴻⵜ ⵏⵏⴻⵙ,

ⴰⵇⴰ ⵜ ⴷ ⵉⵊⵊ ⵏ ⵜⴻⵡⵎⴰⵜ ⵏ ⴱⴰⴱ ⵏ ⵓⵍⴻⴷⴷⴻⴵ.

10 ⵉⵙⴻⵎ ⵏ ⵙⵉⴷⵉ ⴷ ⵉⵊⵊ ⵏ ⵍⴱⵓⵔⵊ ⵉⵎⵜⴻⵏ,

ⴰⵎⵙⴻⴳⴳⴻⴷ ⵉⵜⵜⴰⵥⵥⴻⵍ ⵖⴰⵔ ⴷⵉⵏⵏⵉ, ⵓⵛⴰ ⵉⵜⵜⵡⴰⵙⴰⴽⴽⵡⴰⴹ ⴰⵍ ⴷⵉⵏ ⴷⵉ ⵍⴰⵎⴰⵏ.   

11 ⴰⴳⵍⴰ ⵏ ⴱⵓ-ⵡⴰⴳⵍⴰ ⴷ ⵜⴰⵏⴷⵉⵏⵜ ⵏⵏⴻⵙ ⵉⵊⴻⵀⴷⴻⵏ,

ⵜⴰⵏⵉⵜⴰ ⴰⵎ ⵉⵊⵊ ⵏ ⵍⵃⵉⴹ ⵢⵓⵄⵍⴰⵏ ⵇⴰⵄ ⴷⵉ ⵍⴱⴰⵍ ⵏⵏⴻⵙ.   

12 ⵇⴱⴻⵍ ⵎⴰ ⵉ ⵖⴰ ⵉⵜⵜⵡⴰⵔⵥ, ⵉⵜⵜⴳⴻⵄⵄⴰⴷ ⵡⵓⵍ ⵏ ⴱⵏⴰⴷⴻⵎ,

ⵎⴰⵛⴰ ⴰⵡⴰⴹⴻⵄ ⵉⵜⵜⵉⵥⵡⴰⵍ ⴰⵙ ⵉ ⵛⵛⴰⵏ.   

13 ⵡⴻⵏⵏⵉ ⴷⴷ-ⵉⵜⵜⴰⵔⵔⴰⵏ ⴰⵡⴰⵍ ⵇⴱⴻⵍ ⵉ ⵖⴰ ⵉⵙⴻⵍ,

ⴷ ⵎⴰⵏ ⴰⵢⴰ ⴷ ⵜⵓⴱⴱⵓⵀⴻⵍⵢⴰ ⴷ ⵍⴻⴼⴹⵉⵃⴻⵜ ⵉ ⵏⴻⵜⵜⴰ.

14 ⴱⵓⵃⴱⴻⵍ ⵏ ⵡⴻⵔⵢⴰⵥ ⵉⵜⵜⵙⴻⵏⵏⴻⴷ ⵉ-ⵜ ⵖⴰⵔ ⵍⴻⵀⵍⴰⵛ ⵏⵏⴻⵙ,

ⵎⴰⵛⴰ ⴱⵓⵃⴱⴻⵍ ⵉⵜⵜⵡⴰⵔⵥⴻⵏ, ⵡⵉ ⵉⵥⴻⵎⵎⴰⵔⴻⵏ ⴰⴷ ⵜ ⵉⴽⵙⵉ?

15 ⵓⵍ ⵏ ⵓⴼⴻⵀⵀⴰⵎ ⵢⴰⵔⴻⵥⵥⵓ ⵜⵓⵙⵙⵏⴰ,

ⴰⵎⴻⵥⵥⵓⵖ ⵏ ⵓⵎⵉⵖⵉⵙ ⵢⴰⵔⴻⵥⵥⵓ ⵜⵓⵙⵙⵏⴰ.

16 ⵜⴰⵔⵥⴻⴼⵜ ⵏ ⴱⵏⴰⴷⴻⵎ ⵜⴰⵔⴻⵥⵥⴻⵎ ⴰⵙ ⵜⵉⵡⵡⵓⵔⴰ,

ⵜⵏⴻⴷⴷⴻⵀ ⵉ-ⵜ ⵥⵥⴰⵜ ⵉ ⵡⵓⴷⴻⵎ ⵏ ⵉⵎⴻⵇⵇⵔⴰⵏⴻⵏ.

17 ⵡⴻⵏⵏⵉ ⴷ ⴰⵎⴻⵥⵡⴰⵔⵓ ⴷⵉ ⴷⴷⴻⵄⵡⴻⵜ ⵏⵏⴻⵙ ⵉⵜⵜⴱⴰⵏⴻⵏ ⵜⵙⴻⴳⴳⴻⴷ,

ⵎⴰⵛⴰ ⵅⴻⵏⵏⵉ ⴰⴷ ⴷⴷ-ⵢⴰⵙ ⵓⵎⵇⴰⵔⵔⴻⴱ ⵏⵏⴻⵙ ⵓⵛⴰ ⵉⵜⵜⵏⴻⵛⵛⴻⴱ ⴷⵉ ⵜⵎⴻⵙⵍⴰⵛⵜ.   

18 ⵜⴰⵇⴻⴷⴷⵓⵃⵜ ⵉⵜⵜⴻⵊⵊⴰⵏ ⵉⵎⴻⵏⵖⴰⵏ ⵜⵜⴱⴻⴷⴷⴰⵏ,

ⵓ ⵜⴱⴻⵟⵟⴰ ⵊⴰⵔ ⵉⵏⵏⵉ ⵖⴰⵔ ⵜⴻⴵⴰ ⵚⵚⵓⵍⵟⴰ.

19 ⵉⵊⵊ ⵏ ⵓⵎⴰ ⵏⵏⵉ ⵓⵎⵉ ⴷⵉ ⴳⴳⵉⵏ ⵍⵄⵉⴱ, ⵉⵜⵜⵡⴰⵟⵟⴻⴼ ⴽⵜⴰⵔ ⵅ ⵉⵛⵜ ⵏ ⵜⴻⵏⴷⵉⵏⵜ ⵉⵊⴻⵀⴷⴻⵏ,

ⵉⵎⴻⵏⵖⴰⵏ ⴳⴳⵉⵏ ⴰⵎⴻⵛⵏⴰⵡ ⵥⵥⴻⴽⵔⵓⵏ ⵏ ⵍⴻⵇⵚⴰⵔ.

20 ⵣⵉ ⵍⵖⵉⴵⴻⵜ ⵏ ⵓⵇⴻⵎⵎⵓⵎ ⵏ ⵉⵊⵊ ⵏ ⵡⴻⵔⵢⴰⵥ ⵉⵜⵜⵢⴰⵡⴰⵏ ⵓⵄⴻⴷⴷⵉⵙ ⵏⵏⴻⵙ,

ⴰⴷ ⵉⵊⵊⴰⵡⴻⵏ ⵥⵉ ⵚⵚⴰⴱⴻⵜ ⵏ ⵉⵢⴻⵏⵛⵉⵛⴻⵏ ⵏⵏⴻⵙ.   

21 ⵍⵎⴻⵡⵜ ⴷ ⵜⵓⴷⴰⵔⵜ ⴷⴻⴳ ⵓⴼⵓⵙ ⵏ ⵢⵉⵍⴻⵙ,

ⴽⵓⵍ ⵉⵊⵊⴻⵏ ⵡⴻⵏⵏⵉ ⵜⴻⵏ ⵉⵜⵜⴻⵅⵙⴻⵏ, ⴰⴷ ⵢⴻⵛⵛ ⵔⵖⵉⴵⴻⵜ ⵏⵙⴻⵏ.   

22 ⵡⴻⵏⵏⵉ ⵢⵓⴼⵉⵏ ⵜⴰⵎⵖⴰⵔⵜ, ⵢⵓⴼⴰ ⵎⵉⵏ ⵉⵚⴻⴱⵃⴻⵏ,

ⵓ ⵏⴻⵜⵜⴰ ⵉⵟⵟⴻⴼ ⴰⵔⴹⴰ ⵏ ⵙⵉⴷⵉ.   

23 ⵙ ⵓⵃⴻⵛⵛⴻⵎ ⵉⵙⵙⴰⵡⴰⵍ ⵓⵎⴻⵥⵍⵓⴹ,

ⴱⵓ-ⵡⴰⴳⵍⴰ ⵎⴰⵛⴰ ⵉⵜⵜⴰⵔⵔⴰ-ⴷⴷ ⵙ ⵍⴻⵇⵙⴰⵃⴻⵜ.

24 ⴰⵔⵢⴰⵥ ⵏⵏⵉ ⵖⴰⵔ ⴵⴰⵏ ⵉⵎⴻⴷⴷⵓⴽⴽⴰⵍ ⴰⵟⵟⴰⵙ, ⴰⴷ ⵉⵡⴹⴰ ⴷⵉ ⵜⴰⵎⴰⵔⴰ,

ⵎⴰⵛⴰ ⵛⴰ ⵏ ⵉⵎⵓⵔⴻⵏ ⴰⵎⴻⴷⴷⵓⴽⴽⴻⵍ ⵉⵜⵜⴻⵅⵙ ⵉ ⵛⴻⴽ ⴽⵜⴰⵔ ⵥⵉ ⵜⴰⵡⵎⴰⵜ.