149
1 Hallilu-Yah! Ɣennjem ijj n yezři d amaynu i SIDI, sɛuǧem t deg wegraw n imtiqqan nnes.
2 Ad ifarḥ Israil zeg wenni t iggin,
ad arcqen iḥenjiren n Ṣihyun s Ujeǧid nsen. ■
3 Ad ṣebbḥen nitni Isem nnes s ccḍiḥ s nnubtat,
ad as zehhden s ubendir d řgambri, ■
4 maɣar SIDI yarḍa x řgens nnes,
ad yawi ccan i imwaḍɛen s wenjam.
5 Ad sřiweřwen imtiqqan s ccan nni,
ejj i-ten ad sɣuyyen s řefraḥet zeg imucan nsen n arraḥet.
6 Izřan n uɛuǧi i AREBBI deg uqemmum nsen
ijj n ssif iqḍeɛ s tnayen n wudmawen deg ufus nsen, ■
7 ḥima ad ntaqmen zi řegnus,
ḥima ad ɛaqben ccuɛub,
8 ḥima ad carfen ijeǧiden nsen s ssnaseř,
ayt n taṣiřet nsen s snaseř n wuzzař, ■
9 ḥima ad xasen ggen řḥukm yuran.
D man aya ad tiři d lɛaḍama n marra imtiqqan nnes. Hallilu-Yah. ■