Izehhiden 8

1 I umeqqran n imeɣnajen, s teɣnint n Ujitti. Azehhed n Dawud.

2 A SIDI, Arebbi nneɣ, mammec ijhed Yisem nnek x marra tammurt,

Cek d wenni iggin lɛaḍama nnek sennej i ijenwan.

3 Zeg uqemmum n iḥenjiren d iseyman,

teggid lbaraj x yenni Cek iḥeṣṣaren,

ḥima ad tbellɛed abrid x řeɛdu u x wenni yarezzun ad ixřef.   

4 Mařa twařiɣ ajenna, řxedmet n iḍewḍan nnek,

taziri d yetran, inni teggid,

5 min iɛna xenni bnadem, aqa Cek txarrṣed dayes,

mmis n bnadem, aqa Cek txezzared ɣares?   

6 Cek tarrid t mɣir cwayt waha qell i AREBBI,

tewcid as ttaj n uɛuǧi d řɛezz.

7 Cek tarrid t ad iḥkem x tmegga n ifassen nnek,

tessarsed marra swadday i iḍaren nnes:   

8 uǧi d ifunasen, marra ina,

uřa d řmař n yeyyar,

9 ijḍaḍ n ujenna d iseřman n řebḥar,

marra min ittcuqan ibriden n řebḥur.

10 A SIDI, Siditneɣ,

mammec ijhed Yisem nnek di marra tammurt!