<<    <     Izehhiden     1     >    >> 
Izehhiden
ADLIS AMEZWARU - IZEHHIDEN 1-41
1
1 Sseɛd n weryaz,
wenni war igguren di ccwar n iɛeffanen,
d wenni war ibedden deg webrid n imednab,
d wenni war iqqimen x řkursi n imestehzayen, ■  
2 maca řefraḥet nnes aqa-tt di Ccariɛa n SIDI,
u ittxarreṣ di Ccariɛa nnes ass d ǧiřet. ■  
3 Ad yiři am ict n tcejjart i ittwaẓẓun ɣar iɣezran n waman,
tenni itticen řɣiǧet nnes di řweqt nnes,
afar nnes war ittiẓeɣ.
Marra min ittegg, ad yiři. □  ■  
 
4 War ttiřin iɛeffanen ammu,
minzi nitni am icarfa ittawy-i-t usemmiḍ. ■  
5 S uya iɛeffanen war ttbeddin ca deg wass n řeḥsab,
uřa d imednab di tmesmunt n imseggaden,
6 Minzi SIDI issen abrid n imseggaden,
maca abrid n iɛeffanen ad ifna.