48
1 ”إِنَا ذ إِسْمَاونْ ن ثْقبَّاڒْ. زِي طَّارْفْ ن شَّامَالْ قَاعْ، خْ وبْرِيذْ ن حِيثْلُونْ أَڒَامِي إِ غَا ثَاوْضمْ غَارْ حَامَاثْ، حَاصَارْ-عِينَانْ، ثَامُّورْثْ ن ويْمِيرْ ن ذِيمَاشْقْ، خنِّي أَذْ ثكّذْ غَارْ شَّامَالْ نْ حَامَاثْ.
جَّاوْيهْ-أَ، أَمْ ؤُغزْذِيسْ ن شَّارْقْ أَمْ ؤُغزْذِيسْ ن ڒبْحَارْ، أَذْ إِڒِينْثْ ذ إِشْثْ ن ثسْغَارْثْ إِ دَان.
2 خْ ويْمِيرْ ن ذَانْ، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ أَشِيرْ.
3 خْ ويْمِيرْ ن أَشِيرْ، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ نَافْثَالِي.
4 خْ ويْمِيرْ ن نَافْثَالِي، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ مَانَاسَّا.
5 خْ ويْمِيرْ ن مَانَاسَّا، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ إِفْرَايِيمْ.
6 خْ ويْمِيرْ ن إِفْرَايِيمْ، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ رُوبِينْ.
7 خْ ويْمِيرْ ن رُوبِينْ، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ يَاهُوذَا.
8 خْ ويْمِيرْ ن يَاهُوذَا، زڭْ ؤُغزْذِيسْ ن شَّارْقْ أَڒْ ثْمَا ن ڒبْحَارْ، أَذْ ثِيڒِي ثوْهِيبْثْ ن ؤُسْڭعّذْ، ثنِّي إِ غَا ثْوهّْبمْ،
س إِشْثْ ن ثِيرُو ن خمْسَا ؤُ-عِيشْرِينْ-أَڒفْ ن إِغُونَامْ ن ڒعْبَارْ
ؤُ س إِشْثْ ن ثُوزّڭَّارْثْ أَمشْنَاوْ ثُوزّڭَّارْثْ ن إِشْثنْ زِي ثْسقَّارْ إِنّغْنِي
زڭْ ؤُغزْذِيسْ ن شَّارْقْ أَڒْ ثْمَا ن ڒبْحَارْ.
زَّاوشْثْ إِقدّْسنْ أَذْ ثِيڒِي ذِي ڒْوسْثْ نّسْ.
9 ثَاوْهِيبْثْ ن ؤُسْڭعّذْ نِّي إِ غَا ثسّْڭعّْذمْ إِ سِيذِي، أَذْ ثِيڒِي س إِشْثْ ن ثُوزّڭَّارْثْ ن خمْسَا ؤُ-عِيشْرِينْ-أَڒفْ ن إِغُونَامْ ن ڒعْبَارْ ؤُ س إِشْثْ ن ثِيرُو ن عشْرَا-أَڒَافْ ن إِغُونَامْ ن ڒعْبَارْ.
10 ثَاوْهِيبْثْ إِقدّْسنْ ن ؤُسْڭعّذْ أَذْ ثِيڒِي إِ إِنَا:
إِ إِكهَّاننْ:
غَارْ شَّامَالْ خمْسَا ؤُ-عِيشْرِينْ-أَڒفْ ن إِغُونَامْ ن ڒعْبَارْ،
ؤُ غَارْ ڒْغَارْبْ ثِيرُو نّسْ عشْرَا-أَڒَافْ،
ؤُ غَارْ شَّارْقْ ثِيرُو نّسْ عشْرَا-أَڒَافْ ن إِغُونَامْ ن ڒعْبَارْ،
ؤُ غَارْ لْجَانُوبْ ثُوزّڭَّارْثْ نّسْ خمْسَا ؤُ-عِيشْرِينْ-أَڒفْ.
زَّاوشْثْ إِقدّْسنْ ن سِيذِي أَذْ ثِيڒِي ذِي ڒْوسْثْ نّسْ.
11 أَذْ ثِيڒِي ثمُّورْثْ-أَ إِقدّْسنْ إِ إِكهَّاننْ زڭْ أَيْثْ ن صَاذُوقْ، إِنِّي إِحْضَانْ أَحطُّو إِنُو، إِنِّي وَارْ د-إِفّْغنْ شَا زڭْ وبْرِيذْ زِي سِّيبّثْ ن ؤُودَّارْ ن أَيْثْ ن إِسْرَائِيل، أَمشْنَاوْ فّْغنْ ؤُڒَا ذ أَيْثْ ن لَاوِي.
12 أَذْ ثِيڒِي ذ إِشْثْ ن ثوْهِيبْثْ ن ؤُسْڭعّذْ إِ نِيثْنِي زِي ثوْهِيبْثْ ن ثمُّورْثْ، أَذْ ثِيڒِي ثْقدّسْ قَاعْ، أَذْ ثِيڒِي خْ ويْمِيرْ ن إِلَاوِييّنْ.
13 غَارْ ويْمِيرْ أَكْ-ذ إِكهَّاننْ أَذْ غَارْسنْ ثِيڒِي إِ إِلَاوِييّنْ إِشْثْ ن ثمُّورْثْ
س إِشْثْ ن ثُوزّڭَّارْثْ ن خمْسَا ؤُ-عِيشْرِينْ أَڒفْ
س إِشْثْ ن ثِيرُو ن عشْرَا-أَڒَافْ ن إِغُونَامْ ن ڒعْبَارْ.
مَارَّا ثُوزّڭَّارْثْ أَذْ ثِيڒِي خمْسَا ؤُ-عِيشْرِينْ-أَڒفْ
ؤُ ثِيرُو نّسْ أَذْ ثِيڒِي عَاوذْ عشْرَا-أَڒَافْ ن إِغُونَامْ ن ڒعْبَارْ.
14 وَارْ إِعدّڒْ أَذْ زّنْزنْ ؤُڒَا ذ شَا زَّايسْ، وَارْ إِعدّڒْ أَذْ ت بدّْڒنْ نِيغْ أَذْ ت سّعْذُونْ، أَقَا-ت ذ ڒمْخيّرْ ن ثمُّورْثْ، مِينْزِي أَقَا-ت ذ ثَامْقدَّاسْثْ قَاعْ.
15 خمْسَا-أَڒَافْ ن إِغُونَامْ ن ڒعْبَارْ نِّي إِ غَا إِقِّيمنْ غَارْ ثِيرُو، غَارْ زَّاثْ ن خمْسَا ؤُ-عِيشْرِينْ-أَڒفْ ن إِغُونَامْ ن ڒعْبَارْ، أَذْ إِڒِينْ إِ ثُوذَارْثْ ن كُوڒْ أَسّْ، إِ ثنْذِينْثْ، إِ ثْزذِّيغْثْ ؤُ إِ دّْمَانِي ن ثَاروْسَا. أَذْ ثِيڒِي ثنْذِينْثْ ذِي ڒْوسْثْ نّسْ.
16 إِنَا أَذْ إِڒِينْ ذ ڒعْپُورَاثْ نّسْ:
غَارْ ؤُغزْذِيسْ ن شَّامَالْ خمْسَا ؤُ-ربْعِينْ-مْيَا ن إِغُونَامْ ن ڒعْبَارْ،
غَارْ ؤُغزْذِيسْ ن لْجَانُوبْ خمْسَا ؤُ-ربْعِينْ-مْيَا،
غَارْ ؤُغزْذِيسْ ن شَّارْقْ خمْسَا ؤُ-ربْعِينْ-مْيَا ن إِغُونَامْ ن ڒعْبَارْ،
غَارْ ؤُغزْذِيسْ ن ڒبْحَارْ خمْسَا ؤُ-ربْعِينْ-مْيَا. ▫
17 دّْمَانِي ن ثَاروْسَا ن ثنْذِينْثْ:
غَارْ شَّامَالْ أَذْ إِڒِينْثْ مِيثَاينْ ؤُ-خمْسِينْ نْ إِغُونَامْ ن ڒعْبَارْ،
غَارْ لْجَانُوبْ مِيثَاينْ ؤُ-خمْسِينْ،
غَارْ شَّارْقْ مِيثَاينْ ؤُ-خمْسِينْ،
غَارْ ڒْغَارْبْ مِيثَاينْ ؤُ-خمْسِينْ.
18 مِينْ إِقِّيمنْ زِي ثُوزّڭَّارْثْ غَارْ زَّاثْ ن ثوْهِيبْثْ إِقدّْسنْ ن ؤُسْڭعّذْ،
عشْرَا-أَڒَافْ ن إِغُونَامْ ن ڒعْبَارْ غَارْ شَّارْقْ
ذ عشْرَا-أَڒَافْ غَارْ ؤُغزْذِيسْ نْ ڒْغَارْبْ،
أَذْ يِيڒِي زَّاثْ ن ثمُّورْثْ ن ثوْهِيبْثْ إِقدّْسنْ ن ؤُسْڭعّذْ.
صَّابثْ نّسْ أَذْ ثِيڒِي إِ ينِّي إِتّْسخَّارنْ إِ ثنْذِينْثْ.
19 إِنِّي إِتّْسخَّارنْ إِ ثنْذِينْثْ، أَقَا أَذْ ت سخَّارنْ زِي مَارَّا ثِيقبَّاڒْ ن إِسْرَائِيل.
20 مَارَّا ثَاوْهِيبْثْ ن ؤُسْڭعّذْ أَذْ ثِيڒِي خمْسَا ؤُ-عِيشْرِينْ-أَڒفْ خْ خمْسَا ؤُ-عِيشْرِينْ-أَڒفْ ن إِغُونَامْ ن ڒعْبَارْ. أَذْ سّْڭعّْذنْ ثَاوْهِيبْثْ ن ؤُسْڭعّذْ ذ إِجّْ ن ؤُكْوَاذْرُونْ أَكْ-ذ ثسْغَارْثْ ن ثنْذِينْثْ إِ ذَايسْ.
21 مِينْ إِقِّيمنْ أَذْ يِيڒِي إِ ڒْحَاكمْ، غَارْ إِجّْ ن ؤُغزْذِيسْ ؤُ غَارْ ؤُغزْذِيسْ نّغْنِي ن ثوْهِيبْثْ إِقدّْسنْ ن ؤُسْڭعّذْ ؤُ ن ثسْغَارْثْ ن ثنْذِينْثْ. مِينْ إِدْجَانْ غَارْ ؤُغزْذِيسْ ن زَّاثْ ن خمْسَا ؤُ-عِيشْرِينْ-أَڒفْ ن إِغُونَامْ ن ڒعْبَارْ ن ثوْهِيبْثْ ن ؤُسْڭعّذْ أَڒْ أَيْمِيرْ ن شَّارْقْ، ؤُ غَارْ ؤُغزْذِيسْ ن ڒْغَارْبْ غَارْ زَّاثْ ن خمْسَا ؤُ-عِيشْرِينْ-أَڒفْ ن إِغُونَامْ ن ڒعْبَارْ أَڒْ أَيْمِيرْ ن ڒْغَارْبْ، زَّاثْ إِ ثْسقَّارْ نّغْنِي ن ثمُّورْثْ، ذ مَانْ أَيَا أَذْ يِيڒِي إِ ڒْحَاكمْ.
أَذْ ثِيڒِي ذ إِشْثْ ن ثوْهِيبْثْ إِقدّْسنْ ن ثمُّورْثْ نِّي إِ غَا سّْڭعّْذنْ ؤُ زَّاوشْثْ إِقدّْسنْ ن ثَادَّارْثْ أَذْ ثِيڒِي ذِي ڒْوسْثْ نّسْ. 22 زِي مِينْ إِدْجَانْ ذ ثَاسْغَارْثْ ن إِلَاوِييّنْ ؤُ زِي مِينْ إِدْجَانْ ذ ثَاسْغَارْثْ ن ثنْذِينْثْ نِّي إِدْجَانْ ذِي ڒْوسْثْ ن مِينْ غَا يِيڒِي إِ ڒْحَاكمْ، أَذْ يِيڒِي مَارَّا مِينْ إِدْجَانْ جَارْ ثمُّورْثْ ن يَاهُوذَا ذ ثمُّورْثْ ن بِينْيَامِينْ إِ ڒْحَاكمْ.
23 مِينْ إِقِّيمنْ ن ثْقبَّاڒْ زڭْ ؤُغزْذِيسْ ن شَّارْقْ أَڒْ ڒبْحَارْ:
أَذْ ثِيڒِي إِشْثْ ن ثسْغَارْثْ إِ بِينْيَامِينْ.
24 خْ ويْمِيرْ ن بِينْيَامِينْ، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ شِيمْعُونْ.
25 خْ ويْمِيرْ ن شِيمْعُونْ، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ إِسَّاكَارْ.
26 خْ ويْمِيرْ ن إِسَّاكَارْ، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ زَاپُولُونْ.
27 خْ ويْمِيرْ ن زَاپُولُونْ، زڭْ ؤُغزْذِيسْ ن شَّارْقْ أَڒْ ڒبْحَارْ،
أَذْ ثِيڒِي إِشْثْ ن ثسْغَارْثْ إِ جَاذْ.
28 خْ ويْمِيرْ ن جَاذْ، غَارْ ؤُغزْذِيسْ ن لْجَانُوبْ ذِي جِّيهثْ ن لْجَانُوبْ، أَذْ يِيڒِي ويْمِيرْ زِي ثَامَارْ أَڒْ أَمَانْ ن مَارِيبَا-قَاذَاشْ، خنِّي أَذْ يكّْ خْ ثغْزَارْثْ ن مِيصْرَا أَڒْ ڒبْحَارْ أَمقّْرَانْ.
29 ثَا ذ ثمُّورْثْ نِّي إِتّْخصَّا كنِّيوْ أَذْ ت ثبْضَامْ ذ ثَاسْغَارْثْ ن ڒْوَارْثْ إِ ثْقبَّاڒْ ن إِسْرَائِيل ؤُ ثِينَا ذ ثِيسقَّارْ نْسنْ، أَمُّو إِ إِقَّارْ سِيذِي إِنُو، سِيذِي.“
ثَامْسبْضِي ن ثمُّورْث (حاز. 48)
ثَانْذِينْثْ إِقدّْسنْ
30 ”ذ يِينَا إِ غَا يِيڒِينْ ذ ؤُفُّوغنْ ن ثنْذِينْثْ:
غَارْ شَّامَالْ خمْسَا ؤُ-ربْعِينْ-مْيَا ن ڒعْپُورَاثْ. 31 ثِيوُّورَا ن ثنْذِينْثْ أَذْ تّْوَاڒَاغَانْثْ عْلَاحْسَابْ إِسْمَاونْ ن ثْقبَّاڒْ ن إِسْرَائِيل: ثْڒَاثَا ن ثوُّورَا أَذْ إِڒِينْثْ غَارْ شَّامَالْ: إِشْثنْ ن رُوبِينْ، إِشْثنْ ن يَاهُوذَا، إِشْثنْ ن لَاوِي.
32 غَارْ ؤُغزْذِيسْ ن شَّارْقْ خمْسَا ؤُ-ربْعِينْ-مْيَا ن ڒعْپُورَاثْ، ؤُ أَقَا ذِينْ ثْڒَاثَا ن ثوُّورَا: إِشْثنْ ن يُوسُوفْ، إِشْثنْ ن بِينْيَامِينْ، إِشْثنْ ن دَان.
33 غَارْ ؤُغزْذِيسْ ن لْجَانُوبْ خمْسَا ؤُ-ربْعِينْ-مْيَا ن ڒعْپُورَاثْ، ؤُ أَقَا ذِينْ ثْڒَاثَا ن ثوُّورَا: إِشْثنْ ن شِيمْعُونْ، إِشْثنْ ن إِسَّاكَارْ، إِشْثنْ ن زَاپُولُونْ.
34 غَارْ ؤُغزْذِيسْ ن ڒْغَارْبْ خمْسَا ؤُ-ربْعِينْ-مْيَا ن ڒعْپُورَاثْ، أَكْ-ذ ثْڒَاثَا ن ثوُّورَا نْسنْ: إِشْثنْ ن جَاذْ، إِشْثنْ ن أَشِيرْ، إِشْثنْ ن نَافْثَالِي.
35 ڒعْبَارْ ذڭْ ونّضْ نّسْ أَقَا-ث ذِي ثْمنْطَاشْ-أَڒفْ ؤُ زڭْ وَاسّْ نِّي أَذْ يِيڒِي يِيسمْ ن ثنْذِينْثْ ذ وَا:
’سِيذِي أَقَا-ث ذِينْ‘.“