إِزهِّيذنْ 126

‏1 إِزْڒِي ن ؤُڭعّذْ.

ؤُمِي إِسّعْقبْ سِيذِي إِنِّي د-إِذوْڒنْ غَارْ صِيهْيُونْ،

ثُوغَا-نغْ أَخْمِي ينِّي إِتُّورْجَانْ.

‏2 ثُوغَا أَقمُّونْ نّغْ إِشُّورْ س ثْضحَّاشْثْ

ذ إِڒسْ نّغْ إِشُّورْ س ؤُسْڒِيوْڒوْ.

جَارْ ڒڭْنُوسْ نَّانْ:

’سِيذِي إِڭَّا ذَايْسنْ ثِيمسْڒَايِينْ ثِيمقّْرَانِينْ!‘   

‏3 سِيذِي إِڭَّا ذَايْنغْ ثِيمسْڒَايِينْ ثِيمقّْرَانِينْ،

أَقَا نشِّينْ نْفَارْحْ زَّايسْ.

‏4 أَ سِيذِي، قدْجبْ ثَامحْبَاسْثْ نّغْ،

أَمْ مَامّشْ تّْقدْجْبنْثْ ثِيغزْرَاثِينْ ثَامُّورْثْ ن لْجَانُوبْ.

‏5 إِنِّي إِزَارّْعنْ س إِمطَّاونْ،

أَذْ مْجَارنْ س ؤُسْڒِيوْڒوْ.

‏6 ونِّي يَاربُّونْ زَّارِيعثْ حِيمَا أَذْ ت إِزَارْعْ،

إِتّْرُو خْمِي د-إِڭُّورْ،

مَاشَا خْمِي د غَا يَاسْ، أَذْ د-يَاسْ س ؤُسْڒِيوْڒوْ،

أَذْ يَارْپُو إِشوَّافنْ ن إِمنْذِي نّسْ.