إِزهِّيذنْ 16

‏1 إِشْثْ ن ثِيرَا إِنقْشنْ. ن ذَاوُوذْ.

حْضَا خَافِي، أَ أَربِّي، مَاغَارْ تّشْڒغْ خَاكْ.

‏2 ڒعْمَارْ إِنُو ثنَّا إِ سِيذِي: ”شكْ ذ سِيذِي إِنُو،

ذ ڒْخَارْ إِنُو، وَارْ ذِينْ مِينْ خَاكْ يُوعْڒَانْ!“   

‏3 ؤُ خْ إِمْقدَّاسنْ إِ إِزدّْغنْ خْ ثمُّورْثْ، أَيْثْ ن جّهْذْ،

أَقَا مَارَّا أَرْضَا إِنُو أَقَا-ث أَكِيذْسنْ.

‏4 ثَامَارَا ن يِينِّي إِضفَّارنْ أَمُّو ذغْيَا إِجّْ ن أَربِّي نّغْنِي، أَذْ تّْوَاكْثَارنْثْ.

نشّْ وَارْ تّْفَارِّيغغْ ثَاوْهِيبْثْ نْسنْ ن ؤُسيّبْ ن إِذَامّنْ،

ؤُ وَارْ تِّيذَارغْ إِسْمَاونْ نْسنْ خْ إِينْشِيشنْ إِنُو.

‏5 سِيذِي ذ ثَاسْغَارْثْ إِنُو ذ ڒْكَاسْ إِنُو.

شكْ ثطّْفذْ ثَاقدُّوحْثْ إِنُو ذڭْ ؤُفُوسْ نّكْ.   

‏6 إِفِيڒَانْ ن ڒعْبَارْ كَّارنْ أَيِي-د ذڭْ إِمُوشَانْ إِصبْحنْ،

وَاهْ، ثَاسْغَارْثْ إِنُو أَقَا ثُوسَا-د خَافِي مْلِيحْ.

‏7 أَذْ بَارْكغْ سِيذِي، ونِّي ذ أَيِي إِنصْحنْ.

ؤُڒَا س دْجِيڒثْ سّْڒمْذنْثْ أَيِي ثِيژَّاڒْ إِنُو.   

‏8 ڒبْذَا تّڭّغْ سِيذِي جَارْ ثِيطَّاوِينْ إِنُو.

ؤُمِي نتَّا إِدْجْ خْ ؤُفُوسْ أَفُوسِي إِنُو،

نشّْ وَارْ فَارّْغغْ.   

‏9 س ؤُينِّي إِفَارّحْ ؤُڒْ إِنُو،

إِتَّارْشِيقْ ڒعْمَارْ إِنُو.

وَاهْ، ؤُڒَا ذ دَّاثْ إِنُو أَذْ إِدَّارْ س ڒَامَانْ.

‏10 مَاغَارْ شكْ وَارْ ثْسمّْحذْ شَا ذِي ڒعْمَارْ إِنُو ذِي ڒَاخَارْثْ،

وَارْ ثتَّارِّيذْ أَمْثِيقِّي نّكْ أَذْ إِكِيشُّو.   

‏11 شكْ أَذْ أَيِي ثسّشْنذْ أَبْرِيذْ ن ثُوذَارْثْ،

ثْيَاوَانْثْ زِي ڒفْرَاحثْ أَقَا-ث زَّاثْ إِ وُوذمْ نّكْ،

نِّيعْمَاثْ أَقَا أَثنْثْ ذڭْ ؤُفُوسْ نّكْ إِ ڒبْذَا.