إِزهِّيذنْ 13

‏1 إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.

‏2 مشْحَاڒْ عَاذْ، أَ سِيذِي، إِ ذ أَيِي غَا ثتُّوذْ؟

أَڒْ مشْحَاڒْ عَاذْ إِ خَافِي إِ غَا ثسّْنُوفَّارذْ ؤُذمْ نّكْ؟

‏3 مشْهَاڒْ إِ إِقِّيمنْ أَذْ ڭّغْ عَاذْ ڒهْمُومْ ذِي ڒعْمَارْ إِنُو،

أَشْضَانْ ذڭْ وُوڒْ إِنُو مْكُوڒْ أَسّْ؟

أَڒْ مڒْمِي إِ غَا إِسّْعُودْجْ ڒعْذُو إِنُو إِخفْ نّسْ خَافِي؟

‏4 خْزَارْ-د، أَرّْ-د، خَافِي أَ سِيذِي، أَربِّي إِنُو!

أَرْزمْ أَيِي ثِيطَّاوِينْ إِنُو، حِيمَا وَارْ تّطّْصغْ إِضسْ ن ڒْموْثْ،

‏5 حِيمَا ڒعْذُو إِنُو وَارْ إِقَّارْ:

”نشّْ غلّْبغْ خَاسْ!“،

حِيمَا ونِّي ذ أَيِي إِحصَّارنْ وَارْ إِفَارّحْ، مَاڒَا فَارْغغْ.

‏6 نشّْ تّشْڒغْ خْ ثْمخْسِيوْثْ نّكْ إِشوَّارنْ.

ؤُڒْ إِنُو أَذْ إِفَارْحْ خْ ؤُسنْجمْ نّكْ.

نشّْ أَذْ غنّْجغْ إِ سِيذِي،

مَاغَارْ نتَّا إِڭَّا ذَايِي ڒْخِيرْ.