Injil Córif or Síyara
1 FITOR
Síyara foóila Fitor or Foriso
E síyara 1 Fitor óilde ekkán ceñṛí. Yián or lekóya óilde sáhabi Fitor. Fitore nize hon de aar har hañse lekér de zanaidi ceñṛí gán leká cúru goijjé. Yóggwa ye leikké de tamám Isáyi ókkol or hañse, zetará re yóggwa ye “forbáci” ḍaikké (1:1; 1:17; 2:11). Yóggwa ye nizor foróya ókkol ore héndilla boóut bar ḍaikké, kiyólla-hoilé ítara alok-alok dec ot dorbodor óigiyoi. E ceñṛí gán Páule Íficiól or hañse leikkíl de ceñṛí híyan or ḍóilla mikká de hétolla boóut zone biccác goré de, síyara 1 Fitor ore síyara Íficiól baade leká gíyeh, Isá Mosih zormo ói tokoriban háiṭ-fañs bosór baade. Fitore ceñṛí yián Rom cóor ottu leikké deh, ziyán ore yóggwa ye Babilon hoiyé (5:13).
Fitore hoiyé de, yóggwa ye e ceñṛí lekár moksót óilde Allar sóiyi rahámot or josba edde gobá don (5:12). (2:11—3:7), Íficiól 5:18—6:9, edde Kolóciól 3:18—4:6 or dormiyan ot boóut kessú mil há de asé. Hé tiní híssa ye foribar or taalukat edde kémota ola ókkol or hotá manibár nosíyot goré. Yóggwa ye Isáyi ókkol ore duk faile bordac gorí bolla buzdiyé.
Súrki ókkol
1. Fitor or foriso (1:1-2)
2. Nejat olla Alla re cúkurana edde zindigit nejat or kimot (1:3—2:10)
3. Duniyait zindigi haṛaibár nosíyot, edde ḍoilla-boḍoilla taalukat or baabute, zendilla niki bou zamair, gulam girós or (2:11—4:11)
4. Duk faile sobór goríbar buz (4:12—5:11)
5. Ceñṛír hótom (5:12-14)