Injil Córif or Síyara
FILIMON
Síyara Filimon or Foriso
E síyara Filimon óilde ekkán baṛí ceñṛí. Yián or lekóya óilde sáhabi Pául (1:1). Óitofare yóggwa ye e ceñṛí gán Rom cóor ottu tái leikké, kiyólla-hoilé e ceñṛí gán lekér de októt yóggwa ziyól ot accíl. Héen óile, e ceñṛí gán Isá Mosih zormo ói tokoriban háiṭ-ek bosór baade leikké de óibo, ze októt yóggwa ye síyara Kolóciól óu leikké.
Yóggwa ye e ceñṛí gán Filimon nam or ek manúc or hañse leikkíl. Filimon óilde Mosihr zomát or manúc, íba ttu eggwá gulam óu accíl. Páule íbar hañse e ceñṛí gán etollá leikké, zeéne íba ye nizor gulam Onesímos, zee íba ttu jiníc ókkol suri gorí dáigilgoi, yóggwa re sáñza no deh. Romi ókkol or kaanun mozin, Filimon ottu Onesímos ore marifélaibar hók asé. Páule sóiyi torika daháidi yore Filimon ore buzdiyé de ki, Onesímos ore Isáyi bái ísafe kobul goittó. Yóggwa ye aró hoiyé de, Onesímos ore íbar fúañti ham gorí bolla ezazot dito (1:13-14).
Súrki ókkol
1. Filimon ore Pául or sólam (1:1-3)
2. Onesímos olla Pául or aros (1:4-21)
3. Pául beraitó aár niyot or baabute edde sólam (1:22-25)