Injil Córif or Síyara
1 KÓRINTIÓL
Síyara foóila Kórintiól or foriso
E síyara 1 Kórintiól óilde ekkán ceñṛí. Yián or lekóya óilde sáhabi Pául. Ceñṛí yián ore Isá Mosih zormo ói tokoriban fonzaic fañs bosór baade leká gíyeh (1:1). Páule Kórin cóor or zomát or hañse leikkíl de ze ceñṛí ókkol añára ttu asé héntu yián óilde foóila gán. Óitofare yóggwa ye e ceñṛí gán Makedóniya elaka báy sofór gorí Kórin cóor ot zaibar age Ífisas cóor ot tákite leikkíl (16:5-9).
E ceñṛí gán óilde hodún hóbor or zuwab, ziín Páule zomát or kessú maincór ttu faiyé, kiyór hoilé, zomát ot ze faáṭa-faáṭi ókkol, zenákari, edde ḍoilla-boḍoilla hóraf solasol ókkol soler híin or baabute. Zenákari lla bóuli Kórin cóor ek nam or ḍak, hétolla héṛiyar zomát ot maamela híin soler de híyan ot ammúk óibar nái. E síyara wat muhábbot or baabute boiyan goijjé de eggwá mocúr rukú yó asé, yíba óilde rukú (13).
Súrki ókkol
1. Kórintiól ore Pául or sólam aar ítara lla Allar cúkur gorá (1:1-9)
2. Kórintiól or zomát or bútore soler de faáṭa-faáṭir mutalek hotá (1:10—4:21)
3. Zenákarir edde ezzon ore ezzone bisar ot tulár mutalek hotá (5—6)
4. Biyá-cádir, mutti re kurbani diyar, jumóri ebaadot or, ruúhanir niyamot or, edde háñcor or baabute hotá (7—15)
5. Kessú ahéri hotá edde sólam (16)