<<    <     Pampujiam     1     >    >> 
Pampujiam
Suha' Uhuna:
Pampujiam 1–41
Lingkana to meada' anna lingkana to tameada'
1:1-6
1
Maupa' anna katambasam hupatau
to tä' muola lalanna to tameada',
tä' pada ke'de' to madosa,
anna tä' pada isu' to mantelle,
2 sapo' umpohä'di' Paondom DEBATA,
anna napasalui penaba allo bengi.
 
3 Tau ia too sihhapam kaju ditanam dio handam salu,a
si kembua ke lambi' oom wattunna,
anna tä' deem malasso daunna,
ingganna pattujunna sule lako asam.
 
4 Sapo' tä' ia susi to tameada':
sihhapam ia pa'tappiam naliliam hibu'.
5 La susim too to tameada' la napassala Puang Allataala,
susi siam duka' to madosa tä' la mentama alla'-alla'na to meada'.
6 Aka lingkana to meada' naundu' anna napatette DEBATA,
sapo' lingkana to tameada' tinanda ia lako kamateam.